Senor Asratyan: Müharibə 27 sentyabr 2020-ci ildə deyil, 31 mart 2018-ci ildə başladı

Erməni mediasında yayılan xəbərə görə, bu sözləri erməni separatçılarının polkovniki Senor Asratyan bildirib.

O, fikilərini belə əsaslandırıb:

“Xarici qrantlarla bəslənən və illərdir “xüsusi əməliyyat”a hazırlaşan təxminən on nəfər “məxməri inqilabçı” Gümrüdən İrəvana gələrək məlumatsız kütlələrin hökumət əleyhinə hisslərindən istifadə etməklə konstitusiya ilə seçilən baş nazirin istefasına nail oldu…

Sonra bu qrup manqurt ardıcılları ilə birlikdə dövlətçiliyin əsaslarını dağıtmaq üçün dəhşətli bir plana başlanıldı və yalnız bir neçə ay sonra əvvəlcə ölkə parlamentini, sonra da Ermənistan dövlətçiliyinin üç əsas sütununu hədəf aldı: ordu, kilsə və ailə.

Planın sonrakı hissəsi Qarabağın təslim olması idi.

Lakin hadisələrin sonrakı gedişi göstərdi ki, sərt qarşıdurmamızdan deyil, regional oyunçuların maraqlarından irəli gələn reallıqlar üzündən əldə olunmuş daxili razılığın əksinə olaraq 31.03.2018-ci il tarixində başlayan müharibə və xarici qüvvələr son hədəflərinə çatmadı …

Planın “uğurlu” başa çatması üçün bu sürü mümkün və qeyri-mümkün olan yalan və manipulyasiya ilə müharibəni davam etdirdi. Hadisələrin sonrakı prosesi hər kəsə məlumdur.

Müharibəni isə möcüzələr göstərməyi bacaran erməni uduzmadı, gerçəkliyin fərqində olmayan və yalnız öz maraqlarını həyata keçirən kütlə məğlub oldu”.