Rusiya Dövlət Dumasının Müdafiə Komitəsinin sədri, deputat Andrey Kartapolov səfərbərliyə məruz qalan vətəndaşların çağırış vərəqəsi alana qədər Rusiyada hərəkətinə heç bir məhdudiyyətin qoyulmayacağını deyib.
Lakin vətəndaşlara xaricə getməməyi və hətta ölkə daxilində hərəkət etməməyi tövsiyyə edib.
Ednews "bizim.media"ya istinadən xəbər verir ki, bu barədə informasiyanı Rusiya mətbuatı yayıb.
“Bizdə qismən səfərbərlik var. Bütün ölkəyə şamil edilmir. Ona görə də əlavə məhdudiyyətlər, fikrimcə, tətbiq olunmayacaq. Siz rahat şəkildə Krasnoyarsk və ya Omska gedə bilərsiniz, amma mən sizə Türkiyəyə istirahətə getməyi məsləhət görməzdim”, – Kartapolov bildirib.