Erməni bloger Roman Bağdasaryan separatçıların Qarabağda etdikləri qanunsuzluqlardan danışıb.
Ednews xəbər verir ki, Baqdasaryan bu barədə sosial hesabından paylaşım edib. O, xunta başçısı Arayik Aratunyanın Qarabağda süni şəkildə yaratdığı aclıq və benzin qıtlığından danışıb.
"Qarabağ sakinləri və “Artsax” hökuməti indi mövcud olan problemlərin əksəriyyətini süni şəkildə yaradırlar. Bu gün şübhəsiz ki, cinayətkarların, fırıldaqçıların və soyğunçuların toplusu olan Qarabağ klanı administrasiya, deputatlar, generallardır. Onlar aydın başa düşürlər ki, onların yeri həbsxanadadır və insanlar onların vecinə belə deyil. Onlar dekabrın 12-dən blokada deyib dünyaya car çəkirlər, deyirlər bu gün benzin yoxdur.Bunun üçün “Artsax” sakinləri Arayik Arutyunyanın, Qugen Mersiteanın və Ruben Vardanyanın üzünə tüpürməlidirlər, Paşinyanı tənqid etməli deyillər. Çünki biz sual veririk ki, benzin və qida üçün yolu bağlayandan iki həftədir ordasınız. Dostlar, bəs bundan əvvəl nə edirdiniz?Araik, sən Artsaxın idarəçisisən? İndi sən qadın kimi ağlayırsan ki, benzinin yoxdur, nəqliyyatın dayanıb ki, Rusiya ermənilərinin və Ermənistan ermənilərinin sənə yazığı gəlsin.
Niyə benzin ehtiyatı saxlamadın, Ermənistan sizə o qədər pul köçürüb ki, Köçəryan və Serjin dövründə belə pullar görmədiniz.
Ona görə ki, sən və Ruben Vardanyan bilərəkdən Rusiyaya, ruslara işləyirsiniz. Ermənistanda hakimiyyəti alt-üst etmək üçün hər şeyi etmək istəyirsən, cinayətkar arxanı xilas etmək istəyirsən, əllərindən insan qanını yumaq istəyirsən, Araik,halbuki heç vaxt yuya bilməyəcəksən. Rusiyanı razı salıb, Rusiyadakı mülkünü saxlamaq istəyirsən, düz başa düşürəm?"
Bloqqer Qarabağda siqaret qıtlığından da danışıb. O, bunu yalan adlandırıb.
“Vitali Balasanyan Artsax rəhbərliyi ilə birlikdə siqaret satıb. Bu pulsuz siqaretlər, humanitar yardımlar hara getdi? Onlar hamısı sizdədir. Niyə süni problem yaradırsan Araik? Niyə bütün dünyaya yalan danışırsan? Çoxlu siqaretiniz var, çıxarıb insanlara verin. Süni gündəm yaratmağa ehtiyac yoxdur. Qarabağın bütün kəndləri qida ehtiyatları ilə doludur. Aclıq sözü yoxdur, bu sünidir.
Çünki iki əclaf Arayik və Ruben Vardanyan kəndlərdən məhsulları gətirmək üçün Ermənistanda aldıqları milyardlara kifayət qədər kerasin və benzin almalı idilər. Araik, deyirsən ki, Qarabağda təzə kartof yoxdur, bütün kəndlərdə bol olan taxıl yoxdur? Doşab yoxdur deyə Rusiya ermənilərini aldatmaq istəyirsiniz? Bu yaxınlarda Qarabağın hər yerindən tut doşabını balonlarla yığırdılar.
Sən Bako Saakyanla birlikdə insanların bütün inəklərini özünüzə götürdün. Şəhər kəsmik, xama və südlə təmin olunur. Araik, sənin Nuradilovda tonlarla süd verən şəxsi təsərrüfatın var. Bu süd hara gedir?"
Bloqqer Araik Aratunyanı Ermənistandan aldığı milyardları qəsdən oğurlamaqda ittiham edib.
“Hazırda Qarabağın mağazalarında qəhvə, çay, ketçup, mayonez, satışda çoxlu mürəbbə var.
Hansı aclıqdan danışırsan? Nədir, aclığınızın günahkarı Paşinyandır? Qarabağlılar 35 növ göyərti yığır. Yumurta ilə yediyimiz göyərti hara yoxa çıxıb?. Niyə yalan danışırsan ki, ermənilər yatmasın, yoxsa desinlər ki Paşinyan pisdir, Arayik orda acından ölür?”
Nurlana Hacıyeva
