Fələstin Məhbuslar Dərnəyi ilə Fələstin Azadlıq Təşkilatına bağlı Məhbuslar və Azad Edilən Nümayəndə heyətinin birgə bəyanatına görə, İsrailin Negev səhrasındakı Sde Teman həbsxanasında saxlanılan fələstinli jurnalist Məhəmməd Sabir Ərəb öz təcrübələrini və gördüklərini onu ziyarət edən vəkili Halid Muhacene ilə bölüşüb.
Ednews "Anadolu Ajansı"na istinadən dəhşətli təcrübələri paylaşır.
İsrail əsgərlərinin sərt məhdudiyyətləri və nəzarəti altında keçirilən görüşdə harada saxlandığını bilməyən fələstinli jurnalistin vəkilinə verdiyi ilk sual “Mən haradayam?” olub.
Qəzzalı jurnalist M.Sabir İsrail ordusunun idarə etdiyi mübahisəli Sde Teman həbsxanasında Qəzzadan saxlanılan fələstinlilərin "insan ləyaqətinin alçaldığı bir yerdəyəm" deyə bildirib.
O, həbsxanada saxlanılan fələstinlilər arasında ölənlərin sayının artdığını, nəzarətə alınan fələstinlilər işgəncə, təhqir və pis rəftara məruz qaldığına da ifadə edib.
Təxminən 50 gündür paltarını dəyişə bilmədiyini deyən Ərəb vəkili ilə görüşməzdən əvvəl şalvarını dəyişməyə icazə verildiyini, hətta pencəyini belə dəyişdirmədiyini bildirib.
“Daimi işgəncə, cinsi zorakılıq”
Jurnalist, Sde Temanda saxlanılan fələstinlilərin cinsi zorakılıqda daxil olmaqla daim müxtəlif işgəncələrə məruz qaldıqlarını söyləyib.
Hətta nəzarətə alınan bəzi fələstinlilərin məruz qaldıqları işgəncə və pis rəftar nəticəsində həyatını itirib. Bu da azıymış kimi fələstinlilərin bir-birləri ilə görüşməsinə icazə belə verilmir. Danışan hər kəs, öz-özünə danışsa da, gizli dua etsə belə, şiddətlə döyülür. Saxlanılanlar namaz qılmaqdan və hər hansı dini ayinlərdən belə məhrumdurlar".
Məhəmməd Sabir, bəzi insanların qol və ayaqlarının kəsildiyini hətta insanların bədənindən narkoz olmadan güllələrin çıxarıldığını da bildirib.
“Tualetdə 1 dəqiqədən çox vaxt keçirən cəzalandırılır”.
"Sde Temanda saxlanılanların ətrafında həmişə polis itləri olur, hər 4 məhbusa bir dəqiqəlik tualetdən istifadə hüququ verilir və bu müddəti aşanlar cəzalandırılır. Nəzarətə alınan fələstinlilər ayaqqabılarını yastıq kimi istifadə edərək yerdə yatmaq məcburiyyətindədirlər bundan savayı məhbuslara həftədə bir dəfə cəmi 1 dəqiqə duş almaq hüququ verililir".
Məhbus jurnalist saxlanıların gün ərzində yatmasına icazə verilmədiyini və yalnız 50 günlük həbsdən sonra saç kəsdirməyə icazə verildiyini bildirib.
"Yemək olaraq isə özünə bir-iki dilim pendir və bir-iki dənə də xiyar və ya pomidor götürə bilərsən.
Qeyd edək ki, Əl-Ərəbi kanalının müxbiri işləyən fələstinli jurnalist Məhəmməd Sabir Ərəb təxminən 100 gün əvvəl İsrail ordusunun Qəzza şəhərindəki Şifa xəstəxanasına basqını zamanı saxlanılıb.
Qəzzada nəzarətə alınan fələstinlilərin öldürüldüyü və işgəncələrə məruz qaldığına dair xəbərlərin ortaya çıxmasından sonra İsrail Ali Məhkəməsi Sde Temanın bağlanmasını tələb edən 5 İsrail insan haqları təşkilatının müraciətini dəyərləndirib.
Əkbər Novruz
