İsrail Qəzza zolağında atəşkəs və girovların azad edilməsi üçün mümkün razılaşmanın bir hissəsi olaraq HƏMAS lideri Yəhya Sinvarın cəsədini geri qaytarmağı planlaşdırmır.
"EDnyus" xəbər verir ki, bu barədə İsrailin “Ynet” portalı məlumat yayıb. Bundan əvvəl Əl-Ərəbiyyə telekanalı Fələstin tərəfinin Qəzza razılaşmasının birinci mərhələsi çərçivəsində Sinvarın cənazəsinin təhvil verilməsini tələb etdiyi barədə məlumat yayıb. Məlumata görə, yanvarın 13-ü səhər saatlarında Dohada məsləhətləşmələrdən sonra Qətər sazişin yekun layihəsini tərəflərə təhvil verib. Bu, fələstinli məhbusların müqabilində girovların azad edilməsi, atəşkəs və anklavın idarə olunması üçün yeni sistemin müzakirəsi ilə bağlı üç mərhələli sazişi əhatə edir. Mətbuat müqavilənin yanvarın 20-də Donald Trampın andiçmə mərasimindən əvvəl imzalana biləcəyini yazıb. Əl-Ərəbiyyə HƏMAS-ın sənədə heç bir şərh vermədiyini bildirib.
