İlkin hərbi qeydiyyata alınmaqdan boyun qaçıranlar cərimələnəcək

Ölkə 12:03 14.02.2025

Azərbaycanda ilkin hərbi qeydiyyata alınmaqdan boyun qaçıranlar 100 manat məbləğində cərimə olunacaq.

“EDnyus” xəbər verir ki, bununla bağlı İnzibati Xətalar Məcəlləsində, “Azərbaycan Respublikasında səfərbərlik hazırlığı və səfərbərlik haqqında” və “Hərbi vəzifə və hərbi xidmət haqqında” qanunlarda dəyişiklik layihəsi Milli Məclisin plenar iclasında müzakirə edilib.

İnzibati Xətalar Məcəlləsinə edilən dəyişikliklə ilkin hərbi qeydiyyata alınmalı olan vətəndaşların qeydiyyata alınmaq üçün fərdi çağırış vərəqəsində göstərilmiş müddətdə üzrlü səbəblər olmadan müvafiq icra hakimiyyəti orqanına gəlməməsinə görə cərimənin məbləğinin 30 manatdan 100 manata artırılması təklif edilir.

Daha bir dəyişikliklə, çağırışçıların və hərbi vəzifəlilərin hərbi uçotunu aparan orqan və təşkilatlar tərəfindən çağırışçılara və hərbi vəzifəlilərə onların müvafiq icra hakimiyyəti orqanına çağırılması barədə məlumatın verilməməsi, yaxud onların çağırış məntəqələrinə və ya toplanış yerinə vaxtında gəlməsinə maneçilik törədilməsinə görə vəzifəli şəxslər 200 manatdan 300 manatadək (hazırda 80-150) məbləğdə, hüquqi şəxslər 600 manatdan 800 manatadək (hazırda 200-400) məbləğdə cərimə ediləcək.

Bundan başqa, vətəndaşların hərbi qeydiyyat üzrə “Hərbi vəzifə və hərbi xidmət haqqında” qanunda nəzərdə tutulmuş vəzifələrini icra etməməsinə, yəni, vətəndaşlar ehtiyata keçirildikdən sonra 7 gün müddətində yaşayış yeri üzrə hərbi qeydiyyata alınmaq üçün müvafiq icra hakimiyyəti orqanına gəlməməsinə, hərbi vəzifəlilər və çağırışçılar yaşayış yerini 3 aydan çox müddətə dəyişdirdikdə, yaşayış yeri üzrə hərbi qeydiyyatdan çıxmamasına və olduğu yer üzrə hərbi qeydiyyata durmamasına, hərbi vəzifəlilər və çağırışçılar yaşayış yerini dəyişərkən, 10 gün müddətində hərbi qeydiyyatda olduqları müvafiq icra hakimiyyəti orqanına məlumat verməməsinə görə cərimənin məbləğinin 30 manatdan 100 manata artırılması təklif edilir.

Eyni zamanda çağırışçılar və hərbi vəzifəlilər həqiqi hərbi xidmətə çağırış, tibbi müayinə (tibbi şəhadətləndirilmə), hərbi hissələrə təhkim edilmə, müvafiq toplanışlarla əlaqədar çağırış üzrə müvafiq icra hakimiyyəti orqanına üzrlü səbəblər olmadan gəlməməsinə görə 300 manatdan 500 manatadək məbləğdə cərimə ediləcək, yaxud işin hallarına görə, xətanı törədənin şəxsiyyəti nəzərə alınmaqla 160 saatdan 240 saatadək ictimai işlər tətbiq olunacaq.

Həmçinin hərbi qeydiyyat sənədlərinin qəsdən korlanması və ya itirilməsinə görə cərimə məbləği 50 manatdan 200 manata artırılır.

İXM-yə təklif olunan daha bir dəyişikliklə müvafiq icra hakimiyyəti orqanının və yerli özünüidarəetmə orqanlarının, mülkiyyət formasından asılı olmayaraq müəssisələrin, idarələrin, təşkilatların vəzifəli şəxsləri tərəfindən səfərbərlik elan edilərkən hərbi vəzifəlilərə vaxtında məlumat verilməməsinə və onların çağırış-toplanış məntəqələrinə və ya hərbi hissələrə gətirilməsinin təmin edilməməsinə görə cərimə məbləği 400 manatdan 600 manatadək (hazırda 200-300) artırılması nəzərdə tutulur.

Həmçinin dövlət hakimiyyəti orqanlarının və yerli özünüidarəetmə orqanlarının, mülkiyyət formasından asılı olmayaraq müəssisə, idarə və təşkilatların vəzifəli şəxsləri tərəfindən “Azərbaycan Respublikasında səfərbərlik hazırlığı və səfərbərlik haqqında” qanuna uyğun olaraq səfərbərlik hazırlığı və səfərbərlik sahəsində onlara həvalə edilmiş vəzifələrin yerinə yetirilməməsinə görə isə 500 manatdan 700 manatadək (hazırda 250-350) cərimə olacaq.

Layihə müzakirələrdən sonra bir oxunuşda qəbul edilib.

“Euronews” telekanalı Azərbaycandakı mina problemindən danışdı

Xəbər xətti

Dünya Nizamı Necə Dəyişir? III Hissə: Texnoloji İnqilablar və Yeni Dövrün Mühitləri
17:38 17.04.2025
Azərbaycanın Geosiyasi Imperativləri: Regiondakı Strateji Gücün Yeni Tərifi II Hissə: Azərbaycanın Strateji İnteqrasiyası və Qlobal Təsiri
14:03 17.04.2025
Meksika ABŞ-a diplomatik nota göndərib
12:29 17.04.2025
Səudiyyə Ərəbistanının müdafiə naziri İrana gedəcək
12:21 17.04.2025
Çayların həcmində artım davam edir
12:14 17.04.2025
Cənubi Koreya dronları uzaqdan aşkarlayacaq radar sistemini sınaqdan keçirib
12:10 17.04.2025
Ceyhun Bayramov Sloveniya XİN başçısını qarşılayıb
12:06 17.04.2025
“Time” 2025-ci ilin 100 nüfuzlu insanının siyahısını təqdim edib
12:02 17.04.2025
Azərbaycan təbii qaz ixracını 20 %-ə yaxın artırıb
11:59 17.04.2025
Fələstinin İsrail Həbsxanalarındakı Ağrısı: 10000 Məhbus
11:57 17.04.2025
Qırğızıstanın keçmiş prezidentinə hökm oxundu
11:51 17.04.2025
Mədəniyyət naziri Akademik Milli Dram Teatrının kollektivi ilə görüşüb
11:47 17.04.2025
Dnepr şəhərinə kütləvi dron hücumu baş tutub
11:40 17.04.2025
HƏMAS maliyyə böhranı yaşayır?
11:25 17.04.2025
Modriç "Real"ın heyətində Çempionlar Liqasında ən çox oyun keçirən futbolçu olub
11:25 17.04.2025
Bu il Xocavəndə ilk köç nəzərdə tutulur
11:15 17.04.2025
Kürdəmirdə yük avtomobilində yanğın olub
11:08 17.04.2025
"İqlim sərmayəsinin artırılması dayanıqlı inkişaf məqsədlərinə xidmət edir"
11:04 17.04.2025
AZAL bir sıra istiqamətlərdə uçuşların sayını artıracaq
10:46 17.04.2025
Türkiyədə ölkə tarixinin ən böyük narkotik əməliyyatı keçirilib
10:43 17.04.2025
“Xocalı” gəmisi Hind okeanına daxil olub
10:40 17.04.2025
Argentinalı futbolçu İtaliya klubunun tarixinə düşüb
10:37 17.04.2025
Kolumbiyada sarı qızdırma ucbatından fövqəladə vəziyyət elan edilib
10:34 17.04.2025
Ağsuda torpaq sürüşməsi baş verib
10:31 17.04.2025
100 illik ayaqqabı markası müflis oldu
10:26 17.04.2025
AK süni intellekt proqramlarından onlayn görüşlərdə istifadəni qadağan etdi
10:21 17.04.2025
Avropa Komissiyası təhlükəsiz mənşə ölkələrinin siyahısını açıqlayıb
10:14 17.04.2025
Kompüter tomoqrafiyası Xərçəngə yoluxma riskini artırır?
10:10 17.04.2025
Səmərqənddə Mərkəzi Asiya-Körfəz Əməkdaşlıq Şurası sammiti keçiriləcək
10:05 17.04.2025
UEFA Avropa Liqası: Yarımfinala yüksələcək komandalar bəlli olacaq
09:59 17.04.2025
Ağdam, Füzuli və Xocavənd rayonlarında minaların 40%-i təmizlənib
09:58 17.04.2025
Keniyada 5 min nadir diri qarışqanı ölkədən çıxaranlar saxlanılıb
09:54 17.04.2025
Milli Məclisin nümayəndə heyəti Rusiyaya işgüzar səfər edib
09:53 17.04.2025
Şuşada Birinci İslam Dünyası Mədəni Forumu keçirilir
09:12 17.04.2025
Yeni qan qrupu sistemi aşkarlanıb
08:25 17.04.2025
"Su basmış yerlərdə 33-ü uşaq olmaqla 135 nəfər təxliyə olunub"
07:38 17.04.2025
Azərbaycan səfiri Əlcəzair XİN-in idarə rəhbəri ilə görüşüb
06:34 17.04.2025
Qətər Livan ordusuna hərbi texnika verəcək
06:21 17.04.2025
Dünya Nizamı Necə Dəyişir? II Hissə: İqtisadi Dəyişikliklər və Yeni Qüvvələr
17:32 16.04.2025
Qlobal Liderlikdən Mühafizəkarlığa: Trampın Xarici Siyasətdə Yeni Dövrü
16:49 16.04.2025
Hamısı