Vüsalə Yusif 22 oktyabr 1978-ci ildə Sumqayıt şəhərində dünyaya gəlib. 1993-cü ildə Sumqayıt Musiqi Kollecinə qəbul olunub. 1996-cı ildə ölkə pianoçular müsabiqəsinin qalibi olub. 1997-ci ildə kolleci fərqlənmə diplomu ilə bitirib.1997-ci ildə Üzeyir Hacıbəyli adına Bakı Musiqi Akademiyasının solo ifa və fortepiano fakültəsinə daxil olub. 2001-ci ildə bakalavr, 2003-cü ildə isə magistr dərəcələrinə yiyələnib. Hər iki səviyyəni fərqlənmə diplomu ilə bitirib. 2003-2011-ci illərdə Azərbaycan Milli Konservatoriyasında konsertmeister kimi çalışıb və Sumqayıt Musiqi Kollecində pianodan dərs deyib. 2004-cu ilde Dahi alman bəstəkarı R.Schumanin fortepiano üçün bəstələnmiş ən çətin əsərlərdən biri hesab olunan“Kreslerianna”əsəri ile AzTV solo KONSERTI baş tutub ve televiziyanın fondunda saxlanılır. Azərbaycan 2007-ci ildə Almaniyada Lüdviqshafen şəhərində musiqi kollecində solo konsert ile cıxış edib. 2012-ci ildə London Musiqi Akademiyasının solo piano ifaçısı LRSM diplomuna layiq görülüb. Gənc alim-tədqiqatçı olaraq fəaliyyəti dövründə solo konsertlərdə, Beynelxalq piano ifaçılığı müsabiqə ve festivallarda,eləcə də beynəlxalq konfranslarda Azərbaycan bəstəkarlarının yaradıcılığına həsr edilmiş təqdimatlarla çıxış edib
Vüsalə xanım 2011- ci ildə Sultan Qaboos Universiteti Musiqi departamenti tərəfindən aldığı dəvət əsasında Oman Sultanliqina köçmüşdür. Gəldiyi ilk zamanlardan müəllimlik fəaliyyətilə yanaşı, gənc tədqiqatçı kimi istər universitetin, istərsə də Omanın xaricində Azərbaycan musiqisinin təbliğatına başlamişdır. Məsələn, Vüsalə xanım ilk və yeganə azərbaycanlıdır ki, Sultan Qaboos Universitetinin təsis etdiyi və nüsxələrinin bir çox Avropa universitetlərinə təqdim olunan elmi jurnalında məhz Azərbaycan bəstəkarlarının yaradıcılığına həsr olunmuş və 2 dildə (ərəb və Azərbaycan dillərində) çap olunmuş məqalələri var.
Özünün də qeyd etdiyi kimi təhsil sahəsində, üstəlik universitetdə müəllim olaraq fəaliyyət göstərməyi Azerbaycan musiqisinin təbliğat işində çox əlverişli olmuşdur. Belə ki, Vusale xanim öz tədris planına Azərbaycan bəstəkarlarının əsərlərini də əlavə etmiş və bu təcrübə çox uğurlu olmuşdur. Onun Omanlı tələbələri Şərq koloritli klassik musiqimizi- dahi Üzeyir Hacıbəyovun, görkəmli bəstəkarlarımız Fikrət Əmirovun, Tofiq Quliyevin, Qara Qarayevin əsərlərini sevə-sevə ifa edirlər.
Vüsalə xanım 2016-cı ildə məzun olduğu Bakı Musiqi Akademiyasının doktorantura pilləsini bitirərək “Sənətşünaslıq üzrə Fəlsəfə doktoru” elmi dərəcəsini almış və dissertasiya mövzusu olan “Azərbaycan bəstəkarlarının yaradıcılığında bədii məzmun məsələləri” (Q.Qarayevin, F.Əmirovun və C.Hacıyevin simfonik əsərləri timsalında) haqda dünyanın bir çox nüfuzlu beynəlxalq elmi konfranslarda çıxışlar etmiş,müxtəlif beynəlxalq piano musabiqələrində iştirak etmiş ve solo konsertlərlə cıxış etmişdir.
Bir neçəsini sadalayaq:
2016-cı ildə Sinqapurda keçirilən “İncəsənət və humanitar elmlər üzrə “ beynəlxalq konfransda Azərbaycan musiqisi haqqında çıxış edən ilk azərbaycanlı olmuşdur.(cıxış-təqdimat)
2017-ci ildə Yaponiyanın Tokio şəhərində keçirilən "Çoxşaxəli akademik tədqiqatlarda qlobal məsələlər” adlı 3-cü Beynəlxalq Konfransda cıxış etmişdir. (GIMAR-2017) (çıxış-təqdimat ilə)
2017-ci ilde Taylandın Bangkok şəhərində “Universal Klaster” Beynəlxalq Konfransında Şifahi təqdimatla cıxış etmişdir.
Vüsalə xanım 2017-ci ilden etibarən Humanitar və Sosial Elm Tədqiqatları üzrə Qlobal Birliyin üzvü (GAHSSR)
Vüsalə xanım vətəni Azərbaycana çox bağlı biri kimi 2018-ci ilin iyul ayinda Bakıda möhtəşəm bir solo konsertlə cıxış etmişdir.
2018-ci ildə Böyük Britaniyanın Kembric şəhərində yerləşən Kembric Universitetinin Newnham Kollecində keçirilən “Fənlərarası Sosial Elm Tədqiqatlara dair” adlı Beynəlxalq Konfransda bir daha Azərbaycan musiqisi haqqında cıxış edən ilk azərbaycanlı olmuşdur.
2020-ci ildə Pianoçu və musiqişünasların "Yer və Səma" adli II beynəlxalq multimedia müsabiqəsində nümayiş olunan peşəkarlıq və bacarıq üçün DIPLOMANT mükafatına layiq görülərək 6 ölkədən iştirak edən 30 pianistdən seçilən 3 nəfərdən biri olmuşdur . Qeyd etmək istərdik ki bu müsabiqədə münsiflər heyətinin sədri dünyaca məşhur- Rusiyanın xalq artisti,professor eləcə də P.I.Caykovski adına müsabiqə laureatları assosasiyasının prezidenti V. Ovcinnikov idi.
Vusale Yusif 2012-ci ildə Oman Sultanlığının Dövlət televiziyası olan OmanTV-da solo fortepiano konserti ile cıxış etmişdir ve həmin yazı televiziyanın fonduna daxil edilmişdir.
Vüsalə xanım musiqi mədəniyyətinin müxtəlif istiqamətlərində gördüyü işlərlə həm Omanda həm də dünyanın aparıcı ölkələrində Azərbaycançılıq ideyasını musiqiçi olaraq yaşadır.