Braziliyanın Amazon bölgəsi sahillərində Qərbi Afrikadan gəldiyi düşünülən qayıqda olan 9 immiqrant mərasimlə dəfn edilib.
Ednews Euronews -a istinadən xəbər verir ki ,Mali və Mavritaniyadan Avropaya yola düşdüyü deyilən mühacirlərin cəsədləri aprelin 13-də Para əyaləti sahillərində balıqçılar tərəfindən tapılıb.
Səlahiyyətlilərin hesablamalarına görə, 12 metr uzunluğundakı qayıq yanvarın 17-də Mavritaniyanı tərk edib. Qayıqda 25 yağış paltarının və 27 mobil telefonun olması faktiki sərnişin sayının daha çox olduğunu göstərir. Mavritaniyalı balıqçıların istifadə etdiyi kanolara bənzəyən qayığın İspaniyanın Kanar adaları üzərindən Avropa Birliyinə (AB) daxil olmağı hədəfləyən Qərbi Afrikadan olan immiqrantları daşıdığı düşünülür. Ölənlər Braziliya polisi, dəniz donanması və mülki müdafiə təşkilatları ilə yanaşı, BMT Qaçqınlar Agentliyi, Qırmızı Xaç və Beynəlxalq Miqrasiya Təşkilatı kimi xilasetmə işlərində iştirak edən qrupların təşkil etdiyi mərasimdə dəfn edilib.
Nicat
