Qaraciyər sirrozundan əziyyət çəkən aktyor Elvin Ağayevin vəziyyəti ağırdır və o, təcili əməliyyat olunmalıdır.
Bu barədə aktyorun xanımı Elvina Ağayeva məlumat verib. O, Ednews-a açıqlaması zamanı bildirib ki, əməliyyat üçün 100 min manat pul lazımdır, bu məbləği toplamaq üçün aktyorun yaxınları sosial şəbəkələrdə elan verib.
E.Ağayeva həmçinin vurğulayıb ki, bu məbləğ əməliyyatın və analizlərin xərcləri üçün vacibdir.
“Dünən gecədən karta 3 min manata yaxın məbləğ daxil olub. Şükür Allaha, ümumi məbləğ Elvinin həm analizi, həm xəstəxanaya yerləşdirməsi, həm də əməliyyatına hesablanmış məbləğdir. Elvinin yaxınları,tanışlar,dostları tanıdığımız,tanımadığımız hər kəs dünəndən zəng edir, maraqlanır. Donorluq təklif edirlər. Ümidimiz böyükdür ki, Elvin sağalacaq”.
Həyat yoldaşının səhhətindəki problemin əsl səbəbini bilmədiklərini deyən Elvina Ağayeva, xəstəliyi məlum olmazdan əvvəl Elvinin diş həkiminə getdiyini söyləyib.
“Özünəqarşı həmişə diqqətsiz idi. Həkimlər dedi ki, vaxtında üstünə düşsəydiz, müalicə ilə sağaltmaq olardı. Xəstəliyi də kovid peyvəndi zamanı məlum oldu. Üzündə yaranan saralmalardan elə bildik sarılıq xəstəliyinə yoluxub, amma hepatit c imiş. Bir ay idi evdə müalicə alırdı. Xəstəlik necə keçib hələ də bilmirik. Bir müddət əvvəl diş həkiminə getdi. Ola bilsin Elvin oradakı alətlərdən virusa yoluxub. İndi biz onun yanında nə ağlayırıq, nə pis olduğumuzu bildiririk. O, bu dəqiqə pis vəziyyətdədir. Özü də bilir ki, həyatı kritikdir. İşlətdiyi söz ancaq “Mən sizə görə, yaşamaq istəyirəm, ölmək istəmirəm”. Sabaha mühüm müayinəsi var, onun cavabları bizim həyatımızın, qismətimizin cavabıdır”.
Ləman Abbaslı
.jpg)
