Qazaxıstanın Rusiya ilə sərhəddə yerləşən regionlarında benzin qıtlığı yaşanır.
Bu barədə məlumatı Qazaxıstanın “Sputnik” agentliyi verib. Benzin qıtlığının səbəblərindən biri həmin əraziləri benzinlə təmin edən rus şirkətlərinin benzinin qiymətini kəskin qaldırması, digər səbəb isə rus rublu ilə qazax təngəsinin kursu arasındakı fərqdir.
Qeyd edək ki, Qazaxıstanın bəzi bölgələrində Aİ-92 benzinin bir litrinin qiyməti 150 təngəyə, Aİ-95 benzininin bir litrinin qiyməti isə 165 təngəyə yüksəlib. Hətta elə vaxtlar olur ki, əhali 2-3 həftə heç yerdə benzin tapa bilmir.(axar.az)