Azərbaycan neftinin qiyməti 70 dollara yaxınlaşır.

Hazırda "AzeriLight" markalı neftin 1 barelinin dəyəri 69,89 dollar təşkil edir. Ekspertlərin proqnozlarına görə, neftin qiyməti 100 dolllara kimi yüksələ bilər.

“2017-ci ilin noybrına olan məlumata görə, Azərbaycanda ixracatın 90%-i neft və neft məhsullarının satışı hesabına formalaşıb. İqtisadiyyatın da 37%-i neft sektorunun payına düşür. Bu da onu göstərir ki, Azərbaycan iqtisadiyyatının neftdən asılılığı yüksək səviyyədədir. Neftin bahalaşması iqtisadiyyatda müəyyən pozitiv inkişaf meyillərinin artmasını şərtləndirə bilər. Hökümətin proqnozlarına görə, 2018-ci ildə Azərbaycanda neft hasilatının həcmində azalma baş verəcək. Bu azalmanı isə neftin qiymətindəki bahalaşma kompensasiya edə bilər. Hökümət neftin 1 barelinin qiymətini 2018-ci il üçün 45 dollarla hesablayıb. Amma bu qiymət 60-65 dollar arasında olacaq. Bu da qiymətin 20-25%-dan çox baha olması deməkdir. Belə bir şəraitdə neftin azalmasından yaranacaq ixracat həcmindəki geriləmə neftin bahalaşması ilə kompensasiya oluna bilər".

İqtisadçı Əli Əhmədov isə bildirib ki, büdcənin tam yerinə yetirilməsi, layihə və xərclərin icrası üçün neftin qiymətinin yüksək olması yaxşıdır:

“Neftin qiyməti büdcədə 45 dollar götürülür. Yəni, qiymətinin 45 dollardan artıq olması büdcənin tam yerinə yetirilməsi deməkdir. Qiymətlərin yuxarı olması ölkəyə əlavə gəlirlərin gəlməsi deməkdir. Neftin çox bahalaşmasını gözləmirəm. Çünki neftin bahalaşması Amerikadakı neft yataqlarına olan marağı artırır. Lakin orada neftin çıxması baha başa gəlir. Neft dünya bazarında ucuz olduğu zaman həmin quyulardan neft çıxarmaq sərf etmir. Amma qiymət 65-70 dollar həddinə çatan zaman Amerikadakı qazma qurğuları işə düşür. Onlar bazara neft çıxarmağa başlayır. Bununla da qiymətlər tənzimlənir. Verilən proqnozlar baxmayaraq, neftin qiymətinin çox da yüksəlməsi gözlənilmir”.(metbuat/az)