“Son 5 ayda 1554 əmək müqaviləsiz işləyən işçi aşkarlanıb”.
Ednews xəbər verir ki, bunu İqtisadiyyat Nazirliyi yanında Dövlət Vergi Xidmətinin İqtisadi təhlil və uçota nəzarət Baş İdarəsinin Sosial sığorta və əmək münasibətlərinə nəzarət idarəsinin rəisi Nigar Vahabzadə nazirliyin təşkil etdiyi təlimdə deyib.
O bildirib ki, Dövlət Vergi Xidmətinin nəzarət orqanları tərəfindən 2019-cu ildən bəri 17 min 564 nəfər əmək müqaviləsiz çalışıb:
"Tətbiq olunan maliyyə sanksiyasının məbləği 33 milyon manatdır".
N.Vahabzadə onu da əlavə edib ki, işçi ilə əmək müqaviləsi bağlamaqdan imtina 25 min manat cəriməyə səbəb ola bilər.