Tunis prezidentinin irqçi çıxışı ölkəyə qarşı sanksiyalara səbəb olub.
Ednews zdf.de nəşrinə istinadən xəbər verir ki, Tunisdə miqrantlara qarşı zorakılıq dalğası tüğyan edir. Gərginliyə prezident Kays Saidin bəyanatları səbəb olub.
O, çıxışında cənub-şərqi afrikadan gələn qaradərili miqrantları pisləyib və ölkədə baş verən proseslərdə onların təsirinin böyük olduğunu vurğulayıb. Buna görə də ölkə də miqrantlara qarşı üsyanlar baş verib və bir çox miqrant həbs edilərək öldürülüb.
Miqrant futbolçu William Gnazalle bildirib ki, artıq ərzaq almaq üçün belə evini tərk etməyə cəsarət etmir.
Dünya Bankı bu səbəbdən Tunisə dəstək proqramlarını müvəqqəti olaraq dayandırıb. Bu Tunisi böyük çətinliklərlə qarşı-qarşıya qoyur. Çünki Dünya Bankı ölkənin ən böyük kreditorlardan biri hesab olunur. Bu isə böyük borcu olan ölkənin tezliklə ərzaq idxalında problemlər yaşayacağını göstərir.
Prezident Səidə qarşı etirazlar böyüyür
Human Rights Watch hüquq müdafiə təşkilatının məlumatına görə, son bir neçə həftə ərzində bir neçə hökumət tənqidçisi, müxalifətçi siyasətçi və hakim korrupsiya və dövlət təhlükəsizliyinə qarşı sui-qəsddə ittiham olunaraq həbs edilib.
Eyni zamanda, ölkə daxilində prezidentə dəstək çökməkdə davam edir.. Səidə qarşı 3000-ə yaxın insan nümayiş keçirib.
Gülməmmədov Xəyal
