Yaxın günlərdə ABŞ höküməti Hörmüz boğazına F-35 qırıcılarını daşıyan gəmini göndərəcəyi ilə bağlı açıqlama verib. Hal hazırda həmin regionda İran və Ərəb ölkələri arasında gərginlik mövcuddur. Qeyd edək ki, Hörmüz boğazı mühüm ticarət yolu və böyük neft qaynağıdır. Bəs ABŞ – ın bu cür addım atması yaxın günlərdə neft qiymətlərinə təsir göstərəcək?
Məsələ ilə bağlı iqtisadçı – ekspert Eldəniz Əmirov fikirlərini EDNEWS – a paylaşıb...
“Ümumiyyətlə neft hasil edən ölkələrdə istənilən münaqişələrin, hərbi, siyasi və.s təlatümdə neft qiymətlərində təsirsiz ötüşmür. Bəzi hallarda neft qiymətlərinin ucuzlaşmasına, bəzi hallarda isə bahalaşmasına gətirib çıxardır. Təbii ki, bu hadisə də neftin qiymətinin bahalaşdırmasına gətirib çıxardacaqdırsa o, zaman bu Azərbaycan üçün əlavə gəlir darıxılmasına imkan verəcəkdir. Lakin düşünmürəm ki, bu hadisə neft qiymətlərinin ciddi artımına gətirəcəkdir. Doğrudur, cüzi bir səviyyədə təsiri olacaqdır, amma qeyd etdiyim kimi ciddi bir artımın baş verməsi gözlənilən deyildir”.
Əkbər Şəbəndəyev