Azərbaycan hər zaman Qlobal Cənubu dəstəkləyib və töhfə verməyə hazırdır.
“EDnews” xəbər verir ki , bunu SMACHS Fondunun təsisçisi və baş direktoru, Keniya Prezidentinin qızı Şarlen Ruto (Charlene Ruto) aprelin 28-də Bakıda keçirilən “Həmrəy fəaliyyət: yeni və ədalətli dünya üçün Qlobal Cənub QHT-lərinin gücləndirilməsi” adlı Forumda çıxışı zamanı deyib.
O, bu dəstəyə görə Azərbaycana dərindən minnətdar olduğunu söyləyib:"Azərbaycan hər zaman Qlobal Cənubu dəstəkləyib və töhfə verməyə hazırdır. COP29-da da buna bariz nümunə idi. Bu platforma bizlər üçün dönüş nöqtəsi olmalıdır".
Ş.Ruto bildirib ki, bu gün keçirilən təsis konfransı da gələcəyi qurarkən Qlobal Cənubun inkişafı üçün bir təkan olacaq:
"Bu platforma Qlobal Cənubun gücünü artırmağa fokuslanıb. Buna görə də biz birləşməliyik. Çünki tərəqqiyə güclü birlik olmadan nail ola bilməyəcəyik. Bu, ekosistemləri qoruya bilmək üçün lazımdır. Dəniz səviyyəsinin artması, quraqlıq problemlərinə qarşı tədbir görülməlidir"
Fatimə Mərdanlı //EDnews
.png)
