Vücudumuz  ilk növbədə  həyati əhəmiyyət daşıyan orqanlara istilik göndərir. Belə halda barmaqlar soyuq olur.

 "Eurasia Diary" Milliyet-ə istinadən xəbər verir ki, barmaqlarınızın soyuq olması hansısa xəstəliyə görə də ola bilər.  Məsələn:

Raynaund xəstəliyi:

Bu xəstəlik ümumiyyətlə əllərdə, barmaqlarda,  qulaq və burunda qan dövranının pozulması zamanı yaranır. Qan dövranının pozulması ilə əlaqədar olaraq, barmaqlar ağ rəngə boyanır.  Ağ olan hissə daha sonra  qızarıb yanmağa başlayır.

 Autoimmun xəstəlikləri:

Autoimmun pozğunluq immun sisteminin tərsinə hərəkət edərək sağlam hüceyrələrə hücum etməsinə deyilir. İmmunitet sistemi orqanizmin normal komponentlərini özündən saymayaraq, toxumalara və orqanlara hücum edən bakteriyalar yaradır. Bunun nəticəsində isə iltihablanma və  autoimmün fəsadlar meydana gəlir.

Tiroid (qalxanvari vəz) xəstəliyi:

Tiroid vəzinin kifayət qədər hormon ifraz etməməsi nəticəsində ortaya çıxan xəstəlikdir. Yod çatışmazlığı bu xəstəliyin ən mühüm səbəblərindən biridir.

Qalxanabənzər vəzi az işləyəndə hipofizdən  TSH-ın qana keçməsi artır. Orqanizm toxumaları üçün lazımi miqdarda qalxanabənzər hormonu hazırlanmır.

Bunun nəticəsində "hipotiroid” meydana gəlir. Əzələlərə kifayət qədər qan çatmamasının da digər səbəbi budur.

Qan azlığı-Anemiya:

 Qanda qırmızı qan hüceyrələri var. Bu qan hüceyrələrinin tərkibində  orqanizmə oksigen ötürülməsini təmin edən hemoqlobin var. Hemoqlobin aşağı olanda qanazlığı problemi yaranır.

Əlin və barmaqların soyuq olması, baş gicəllənməsi, nəfəs darlığı, gözün qaralması kimi bir çox şikayətlər qanazlığından yaranır.

B12 çatışmazlığı:

 B12 vitamini qırmızı qan hüceyrələrinin yaranması üçün vacibdir. B12 ən çox ev heyvanları, ət, yumurta və süddə var.

B12 vitamini yoxsa qan hüceyrələrinin istehsalı ləngiyir. İstehsal olunan hüceyrələr də keyfiyyətsiz olur. Bunun nəticəsində toxumalara kifayət qədər qan getmir  və əl -ayaq üşütməsi meydana gəlir.

Vüsalə Əlövsətqızı