Yod - qalxanabənzər vəz və onun idarə etdiyi bütün sistemlər üçün həyati vacib mineraldır. Azərbaycan ərazi və genetikasına görə yod azlığından əziyyət çəkən ölkələr sırasındadır. Yod normal metobolizm, beynin işi, sümüklər, dəri və s üçün çox vacibdir.  Böyük adam gündə 150 mkq yod qəbul etməlidr.  2017-ci ilin statistikasına görə, dünyada hər 5 nəfərdən biri yod azlığından əziyyət çəkir. 

Sizdə yod çatışmazlığını göstərəcək əsas əlamətlər bunlardır:

1.Bədən çəkisinin qəfil artması, az yemək yeyilməsinə baxmayaq kəskin kökəlmə.

Burada əsas səbəb qalxanvari vəzinin idarə etdiyi metobolizm sisteminin pozulmasıdır. Normal insan yediyini enerjijə çevirir, metobolizm pozulanda isə qəbul olunan qida enerjiyə çevrilmir. 

2.Yorğunluq, əzginlik
İnsanda yod çatışmayanda, o daimi yorğunluq hiss edəcək. Adi ev işlərini görmək, azçəkili əşyanı belə qaldırmaq, gəzmək, pilləkən çıxmaq çətin olacaq. Bu da yod çatışmazlığına görə insanın əzələlərinin normal enerji almamasına görədir. Əgər insan ağır işdə çalışmadan, kifayət qədər dincəlsə də yenə yorğundursa, o zaman yod defisitini araşdırsın.

3.Saçların tökülməsi
Qalxanvari vəzinin hormonları saç tükü follukullarını təmin edir. Yod çatışmazlığında hormonlar zəifləyir və artıq tük köklərini yemiləməyə gücü çatmır. 

4.Quru üz və bədən dərisi
Quru, qurpquru, qıcıqlı, qaşınan, kəpək qoyan dəri də yod əskikliyi ilə bağlı ola bilir. 

5.Üşütmə, soyuqluq hissi
Daima bədənində üşütmə, normal temoeraturda belə soyuqluq hiss edən insanlarda metobolizm pozulduğundan orqanizmi isitmək üçün enerji təminatı çatışmır. Əgər bu hal uzun müddət davam edirsə, endokrinoloqa getməyin vaxtıdır.

6.Zəif, aşağı nəbz
Yod defisiti ürəyin işini zəiflədir, çünki əzələ zəifliyi var, ürək də əzələ orqan olduğundan ona da təsir edir. Bu zaman nəbz yavaşıyır. Arada başgicəllənmə, ürəkdə sancı, havasızlıq kimi əlamətlər də verir.