Kanadanın Perspektiv Tədqiqatlar İnstitutunun alimləri xərçəng xəstəliyi ilə bağlı yeni araşdırma aparıblar.
Eurasia Diary-nin məlumatına görə alimlər hesab edir şəkər, piylənmə, ürək-damar xəstəlikləri hətta xərçəng yoluxucu ola, insandan insana keçə bilər. Alimlər hesab edir ki, özündə trilyon mikroorqanizmi birləşdirən mikrobioma (mikroflora) insandan insana asanlıqla yoluxa bilər. O mikrobiomalar həm dəridə, həm də dəri altındadır. İnsanlar bir-biri ilə ünsiyyətdə olan zaman virusa yoluxa bilər.
Məlumdur ki, bağırsaq xəstəliklərinə bir evdə yaşayan ər-arvad yoluxa bilir. Siçanlar üzərində tədqiqat aparan alimlər maraqlı nəticə əldə ediblər. Piylənmə olan siçandan nümunələr arıq siçana yeridilib. Bir müddət sonra arıq siçanda piylənmə yaranıb.
Qeyd edək ki, Ümumdünya Səhiyyə Təşkilatı xərçəng və ürək damar xəstəliklərini qeyri-infeksion xəstəlik siyahısına salıb. Hesab edilir ki, bu xəstəliklər yalnız irsi yolla keçə bilər. Əgər yeni tədqiqatlar təsdiqini tapsa bu dünya tibb elmində inqilaba səbəb olacaq.
Yanvarda alimlər sinə (süd vəzi) xərçənginin meydana gəlməsinə səbəb kimi bakteriyaları göstərmişdilər. Süd verən hər bir anaya gündəlik olaraq yoqurtla bəslənməyi məsləhət görürlər. Hesab edilir ki, yoğurtun tərkibində olan bakteriyalar süd vəzilərinin əsas qoruyucusdur.(cebhe.info)