Koronavirusa yoluxma riskini azaldan dərman - İsrail alimləri | Eurasia Diary - ednews.net

20 Sentyabr, Bazar ertəsi

Koronavirusa yoluxma riskini azaldan dərman - İsrail alimləri

Səhiyyə A- A A+
Tibb alimləri kiçik dozada aspirin qəbul edilməsinin “COVID-19”-a yoluxma riskini azaltdığını və pasientlərin bu xəstəliyə daha sürətlə qalib gəlməsinə kömək etdiyini bildirib.
 
Eurasia Diary bu haqda İsrail mediasına istinadla xəbər verir.
 
İsrail həkimləri ağrını aradan qaldıran və bədən hərarətini aşağı salan məşhur bir dərmanın immun sisteminə koronavirus infeksiyasına qarşı mübarizədə kömək edə biləcəyini kəşf ediblər. Söhbət aspirindən gedir...
 
Tədqiqatın nəticələri “FEBS Journal” jurnalında dərc edilib.
 
Tədqiqatçılar 10 mindən çox xəstə haqqında məlumatları təhlil ediblər. Məlum olub ki, mütəmadi olaraq aspirin qəbul edən adamlar qəbul etməyənlərə nisbətən koronavirusdan daha sürətli sağalıb. Bununla belə, bərpa müddətindəki fərq yalnız bir neçə gün təşkil edib.
 
Bu səbəbdən kiçik dozada aspirin qəbul edilməsinin “COVID-19”a yoluxma riskinin azalmasına kömək edəcəyi gözlənilir.
 
Digər tərəfdən, elm adamları aspirinin koronavirusa təsirlərinin hələ də öyrənilməli olduğunu söyləyirlər.

Moderator.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...