ÜST Azərbaycanı “malyariyadan azad” ölkə kimi sertifikatlaşdıracaq - ednews.net

3 Dekabr, Şənbə

(+994 50) 229-39-11

ÜST Azərbaycanı “malyariyadan azad” ölkə kimi sertifikatlaşdıracaq

Səhiyyə A- A A+
Səhiyyə Nazirliyində oktyabrın 3-dən 14-dək ölkəmizdə işgüzar səfərdə olan Ümumdünya Səhiyyə Təşkilatının (ÜST) Malyariyaya yerli yoluxmanın kəsilməsininin Sertifikatlaşdırılması üzrə Texniki Məsləhət Qrupunun üzvlərinin daxil olduğu müstəqil Qiymətləndirmə Missiyasının nümayəndə heyəti ilə görüş keçirilib. Görüşdə həmçinin ÜST-nin Azərbaycan üzrə nümayəndəliyin rəhbəri Hande Harmancı da iştirak edib.
 
Ednews  APA-a istinadən xəbər verir ki, Teymur Musayev ölkəmizin Ümumdünya Səhiyyə Təşkilatı ilə əməkdaşlığa böyük önəm verdiyini vurğulayıb. Onun sözlərinə görə, Azərbaycan nüfuzlu səhiyyə təşkilatı ilə 1992-ci ildən sıx əməkdaşlıq edir və bu əməkdaşlıq hər il yüksələn xətlə inkişaf etməkdədir.  
Nazir çıxışında ölkəmizdə malyariya xəstəliyinin qarşısının alınması və ocaqlarının aradan qaldırılması istiqamətində aparılan işləri diqqətə çatdırıb: “Uzun illərdir ki, Azərbaycanda malyariyanın qarşısının alınması və ocaqlarının aradan qaldırılması istiqamətində genişmiqyaslı tədbirlər həyata keçirilir. Bu səylər nəticəsində Azərbaycanda 2013-cü ildən malyariyaya yerli yoluxma halları qeydə alınmayıb. 
 
Qiymətləndirmə Missiyanın malyariyaya nəzarət sisteminin ayrı-ayrı komponentləri ilə iki həftəlik işinin nəticəsi olaraq və ölkədə görülən işlərin nəticələrinə əsasən, ÜST tərəfindən Azərbaycanı “malyariyadan azad” ölkə kimi sertifikatlaşdırması gözlənilir.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...