Alimlərin fikrincə, idman zalında etdiyimiz uzun qaçış və ağır məşq gecələr rahat yatmağınıza kömək edə bilər.
Ednews xəbər verir ki, 30.000-dən çox orta yaşlı böyüklər üzərində aparılan bir araşdırmaya görə, bu cür məşqlər yatmağa kömək etmək üçün qan pompalayan həblərə olan ehtiyacı maksimum dərəcədə azaldır.
Yuxusuzluqdan əziyyət çəkən insanların yaş ortalaması 50 civarında, əksəriyyətinin isə passiv və oturaq həyat yaşadığı müəyyənlişdirilib.
Mayo Clinic Proceedings jurnalında dərc edilən araşdırmalar nəticəsi göstərir ki, 14 illik araşdırma zamanı 5800 insan yuxu dərmanı üçün apteklərə müraciət edib.
Böyük Britaniya və ABŞ kimi ölkələrdə yuxu problemi yaşayan insanlar daha çox zolpidem, zopiklon, benzodiazepinlər və melatonin kimi dərmanların alıcılarıdır.
Həmçinin aparılan araşdırmalar göstərir ki, 65 yaşdan yuxarı kişilər yuxu həbləri axtarmağa ən az meyllidirlər. Bu isə onların idmandan daha çox faydalandıqlarının göstəricisidir.
Bununla da nəticələr göstərir ki, idmanla məşğul olan kişilərin yuxu problemləri üçün dərman ehtiyacı riski 15% aşağıdır.
İdmanla məşğul olan qadınlar arasında isə həbdən istifadə nisbəti 12% təşkil edir.
Araşdırmalara görə, qaçış, velosiped sürmə, üzgüçülük və aerobik məşqləri yuxunu yaxşılaşdırdığı və yuxu dərmanlarına olan ehtiyacı azaltdığını göstərir.
Mütəxəssislər bunun əsas bədən istiliyindəki dəyişikliklərlə əlaqədar olduğunu düşünürlər. Bunun səbəbi idman etdiyiniz zaman bədən istiliyinin yüksəlməsi və məşqi bitirdikdən sonra aşağı düşməsidir.
1997-ci ildə edilən bir araşdırmaya görə, temperaturun düşməsi yuxuya getdiyiniz zaman baş verən temperatur dəyişikliyini təqlid edir və bu, beyninizi yatmaq vaxtının gəldiyini düşünməyə vadar edir.
Yuxusuzluq, narahatçılıq və depressiya ilə yanaşı, narahat düşüncələr və stress yuxunuza təsir edə bilər.
Nəticədə, məşq endorfinlərin sərbəst buraxılması ilə psixi sağlamlığınızı gücləndirərək yuxusuzluğun öhdəsindən gəlməyə kömək edir.
Rəna Mürşüd