“Yaxşı qidalanıram” cümləsi immun sistemini gücləndirmir".
Bu sözləri Ednews-a açıqlamasında Səhiyyə Nazirliyinin mütəxəssis-eksperti terapevt Zakir Quliyev deyib.
Onun sözlərinə görə, immun sisteminin zəifliyini göstərən amillər tez-tez xəstələnmək, halsızlıqdır. Bəzi insanlar var ki, ildə neçə dəfə xəstələndiyini deyirlər.
“Tez-tez ağız ətrafı uçuq yaranırsa, bu da immun sistemin zəifliyidir. Artıq biz bilirik ki, qış aylarında virusla tez-tez rastlaşırıq. Buna görə də vaksin olunmaq mümkündür. ÜST hər il qrip virusuna qarşı vaksinin olunmasını xəbərdar edir. Hər kəs, xüsusən də risk qrupuna aid olan insanlar qrip üçün vaksin vurdurmalıdır. Qidanın dəstəyi ilə də immun sistemini gücləndirmək mümkündür. Yaxşı qida deyərkən burada çox qidalanmaqdan söhbət getmir. “Yaxşı qidalanıram” cümləsi immun sistemini gücləndirmir. Balanslı qidalanamq lazımdır. Bəzi insanlar özbaşına vitaminlər qəbul edir. Bu doğru deyil hansısa dərmanı qəbul etmək istəyirsiksə, öncə müayinə olunmalıyıq. Yuxu rejimi immun sistemin olmazsa olmazıdır. Passiv və aktiv immunitetlər var. Passivə vaksini aid etmək olar. Pandemiya dövründə bu immunitet növündən istifadə etmişik”.
Terapevt bildirdi ki, uşaqların immun sistemini yüksəltmək üçün birinci növbədə valideyn uşağı əsəb və stressdən uzaq tutmalıdır:
“Sonra isə yuxu rejimini düzəltməlidir. Üçüncü isə fast-food qidalardan uzaq tutmalıdırlar. Hazır ki, uşaqlar meyvə-tərəvəzdən çox uzaqdır. Bu saydıqlarımın balanslı şəkildə olarsa, uşaqlarda immun sistemini düzəltmək olar. Həmçinin, təmiz hava mütləqdir. Texnologiya dövrü olduğu üçün uşaqlar yalnız evdə olurlar. Təmiz hava immun sisteminin açarıdır. Artıq yaz fəsli gəlir. Mütləq stressdən, gərginləkdən uzaq olmaq şərtdir. Motivasiya immun sistemi üçün çox önəmlidir. Əhval-ruhiyyə mütləq yüksək olmalıdır”.
Aysel Şahmar
