“Alınan qidanın tərkibinə və keyfiyyətinə diqqət edilməldir. Bəzən çox sağlam aldığımız qidaların yuyulmasını və bişirlməsini düzgün etmirik”.

Ednews xəbər verir ki, bunu həkim-terapevt Şəfa Yusubova deyib.

Onun sözlərinə görə, düzgün qidalanma sağlam həyat tərzinin açarıdır. 

“Aldığımız qidanın tərkibinə və keyfiyyətinə diqqət edilməldir. Qidanın tərkibində kalori çox olarsa, bu piylənməyə gətirib çıxarır.  Artıq yay ayı gəlir. Vətəndaşlar mövsüm meyvələri ilə qidalanmalıdır. Zülala üstünlük vermək lazımdır. Bədənimizin gündəlik bir kiloqramına düşən zülal ehtiyacı 0,9 qramdır. Mütləq şəkildə yediyimiz qidanın tərkibində şəkərə diqqət etmək lazımdır. Hazırda dünyanın ən göz önündə və sürətlə çoxalan xəstəliyi şəkərli diabetdir. Dünya statsiskasına, əsasən, 400 milyondan çox əhali şəkərli diabetdən əziyyət çəkir. Bu isə yalnız bilinən tərəfidir. Bundan başqa keyfiyyətli qidanın hazırlanma prossesinə də diqqət etməliyik. Bəzən çox sağlam qida alarıq. Amma bişirilməsinə, yuyulmasına diqqət etmirik”. 

Həkim vurğulayıb ki, qidalanma ilə yanaşı  yuxu rejiminə də diqqət etməliyik.

“Gündəlik həyatımızda olan enerjinin bir hissəsini yuxuya borcluyuq. Yuxu rejiminə diqqət etməliyiki ki, daha sağlam olaq. Uşaqlarda saat 10 ilə 2 arası aldığı yuxu birbaşa boy hormonlarına təsir edir. Buna görə də uşaqlar vaxtında yatmalıdırlar”.

Aysel Şahmar