Səhiyyə Nazirliyi:Azərbaycanda şəxsi istifadə üçün ölkəyə dərman gətirilməsi ilə bağlı heç bir məhdudiyyət yoxdur. Əgər hər hansı bir şəxs Azərbaycanda müalicə alırsa, öz müalicəsi üçün zəruri dərman vasitələrini xaricdən gətirə bilər. Son zamanlar bununla bağlı şikayətlər var, dərman gətirilməyə icazə yoxdur.
Məsələ həqiqətə nə qədər uyğundur? Səhiyyə Nazirliyi “Azərbaycanda şəxsi istifadə üçün ölkəyə dərman gətirilməsi ilə bağlı heç bir məhdudiyyət yoxdur Əgər hər hansı bir şəxs Azərbaycanda müalicə alırsa, öz müalicəsi üçün zəruri dərman vasitələrini xaricdən gətirə bilər” deyə bildirib. Amma bir çox vətəndaş bu fikrin düz olmadığından şikayətçidirlər. Bu şikayətlər və fikirlər nə dərəcə də doğrudur?
Bu barədə Ednews-a şərh verən tibbi ekspert Adil Qeybulla bildirib ki, bizdə hələlik dərman istehsalı olmadığına görə dərman idxalına müvəqqəti icazə verilir. Əgər ki, həmin dərmanın ölkəyə idxalı yoxdursa.
“Əvvəla qeyd edim ki, Dövlət formakapeyası və dərman maddələrinin dövlət reyestrı olmalıdır. Milli formakapeyaya daxil olmayan dərman maddələri ölkəyə idxal edilə bilməz. Hər hansısa bir vətəndaşın dərman vasitəsinə ehdiyyacı varsa onun gətirdilməsi ilə bağlı xüsusi qaydalar olmalıdır. Dünyanın hər yerində bu hal belə tənzimləmir əgər ki, həmin dərman vasitəsinin analoqu həmin ölkədə yoxdursa, yeni pereparatdırsa, Dünya Səhiyə Təşkilatının deyestrində varsa bu cür dərmanlar ölkəyə, həmin şəxsin müalicəsinə tələb olunan miqdarda idxal edilə bilər. Digər hallarda isə yalnız və yalnız formakapeyanın siyahısı çərçivəsində olmalıdır.”
Kazımlı Rübabə