"Qalxanabənzər vəzin xərçəngi əlamətləri vaxtında aşkar edilməzsə, qonşu toxumalara keçəcək və sağalma şansı azalacaq..."
 
"Britaniyada hər il xərçəngin bu forması ilə təxminən dörd min adam xəstələnir və 400-dən çox ölüm halları baş verir..."
 
Adətən xərçəngin əlamətləri bədənin xərçəngin zədələdiyi sahələrində özünü büruzə verir. Məsələn, ağ ciyər xərçənginin ən geniş yayılan əlaməti davamlı öskürək və təngnəfəslikdir.
 
Moderator.az xəbər verir ki, bu barədə Böyük Britaniyanın "Daily Express" nəşri yazıb.
 
Lakin bəzi hallarda onkoloji xəstəliyin əlamətləri gözlənilməz yerlərdə üzə çıxır. Qalxanabənzər vəzin xərçəngində belə olur. Qalxanabənzər vəz boyun nahiyəsində, traxeyadan öndə yerləşir.
 
Onun başlıca vəzifəsi orqanizmdə maddələr mübadiləsini tənzimləyən hormonların ifrazıdır. Buna qidanın enerjiyə çevrilməsi prosesi deyilir. 
 
Bu vəzin yerləşməsi səbəbindən onun bədxassəli şişi tez-tez boyun və boğazı zədələyir və səsə təsir edir. Boyunun ön hissəsində bərk yumaq əmələ gəlir, udqunma çətinləşir, səs xırıltılı olur.
 
Lakin Milli Səhiyyə Xidməti xəbərdarlıq edir ki, digər, daha qeyri-adi əlamətlər var ki, onlardan ehtiyat etmək gərəkdir.
 
Onlardan biri sifətin qızarması, yəni hiperemiyasıdır. Bunu güzgüyə baxmaqla görmək olar. Bəzi insanlarda bu əlamət başqalarına nisbətən daha güclü təzahür edir. Burada çox şey dərinin rəngindən asılıdır. Qızartı yanma hissi ilə müşahidə edilə bilər.
 
Britaniyanın "Cancer Researsh UK" xərçəngin tədqiqatı üzrə təşkilatının məlumatına görə, bu, qanda kalsium və fosforun miqdarını tənzimləyən kalsitonin hormonunun miqdarının çox olması ilə bağlıdır. 
 
Bu hormonun belə artıq miqdarı insanda qalxanabənzər vəzin medullyar xərçəngi inkişaf edəndə baş verir. Bu, adıçəkilən orqanın onkoloji xəstəliyinin formalarından biridir.
 
Digər, az yayılan əlamətlər də var:
 
- diareya (sulu nəcis);
- çəkinin itirilməsi;
- öskürək.
 
Milli Səhiyyə Xidmətinin məlumatına görə, ən geniş yayılan əlamətlər aşağıdakılardır:
 
- Boynun ön və arxa hissəsinin bərkiməsi. Bu, adətən, bərk yumaqdır, tədricən böyüyür və ağrı vermir.
- Səsin xırıltılı olması.
- Boğazın iltihabı.
- Tənəffüs və udqunmanın çətinləşməsi.
- Boynun ön hissəsində ağrı, sanki nəsə boyuna təzyiq edir.
 
Əgər sizdə qalxanabənzər vəzin xərçəngi əlamətləri baş veribsə, müalicə həkiminizə müraciət etmək lazımdır.
 
Əgər xəstəliyin əlamətləri vaxtında aşkar edilməzsə, bədxassəli xərçəng hüceyrələri qonşu toxumaları zədələyəcək və sağalma çətinləşəcək.
 
Hər il Britaniyada 3900 nəfər qalxanabənzər vəzin xərçənginə yoluxur. Bu, il ərzində 410 ölümlə nəticələnir. Beləliklə, ölüm hallarına görə xərçəngin bu forması 12-ci yerdədir.