XXI əsri daha çox psixoloji xəstəliklər dövrü adlandırırlar. Dünyada və Azərbaycanda da psixi xəstələrin sayı durmadan artmaqdadır. Belə olan halda gələcək nikbin görünmür.
Ednews tanınmış psixoloqlar arasında sorğu keçirib.
Müraciət edən pasiyentlər arasında ən çox hansı psixi xəstəlikəri qeydə alırsınız? Yəni bu gün insanlar daha çox hansı psixi xəstəlikdən əziyyət çəkirlər?
Cavabları təqdim edirik:
Ülviyyə Murtuzova:
“İki əsas pozuntudur: birincisi, panik, ikincisi isə kumulyativ affekt”.
Orxan Oruc:
“Hamısına xəstəlik deyə bilmirik. Xəstəliklər əksərən psixiatrlar arasında qeydə alınır. Amma daha çox ünsiyyət çətinliyi və bunun fonunda yaranan depressiya və stress əlamətləridir. Ümumi desək belədir.
Günel Aslanova:
“Travma, Həyəcan Pozuntuları və Əhval Pozuntuları yaşayan şəxslər mənə müraciət edənlər arasında çoxluq təşkil edir”.
Gülnar Orucova:
“Bu gün müraciət edənlərin böyük bir qismi ailə daxili münaqişələrlə bağlıdır. Əvvəlki illərə nəzər salsaq bu gün boşanmalar daha çoxdur. Ən çoxlar arasında boşanan şəxslər də var. Dövlət boşanma ərəfəsində olan cütlüklərə psixoloq tövsiyyə edir. Psixoloq burada barışıq rolundadır. Amma evlənəndə bunu məsləhət görmür. Bu gün psixoloq qəbulları yetərli məbləğ olsa da, minumum 40-50 AZN-dən başlayır. Yəni hər kəsin imkanı çatmaya bilər. Əvvəllər gənc ailəli qadınlarımız qayınandan şikayət edirdilər, indi isə həyat yoldaşlarından narazıdırlar. Qaynanadan ayrı yaşasalar belə bu həqiqəti dəyişmir. Qadınların şikayətləri belədir: ərim sosial şəbəkədə çox vaxt ayırır, dostları ilə tez-tez görüşür, kimlərləsə yazışır və.s. Mübahisələr bu formatda başlayır və nəticə təəssüf doğurur”.
Oğuz
