Hollandiyada yaşarkən sevgilisinə qoşulub Suriyaya gedən və İŞİD terror təşkilatına qatılan Melis Atıcının, atası Faruk Atıcı tərəfindən xilas edilməsi Avropa və Türkiyə mediasının əsas mövzularından olub.
Faruk Atıcı, qızı Melis və 5 aylıq nəvəsini xilas etmək apardığı müdhiş mübarizə barədə Hollandiyanın NOS telekanalına danışıb. Onun dediyinə görə, qızı Melisin hekayəsi sevgilisi Yusufun bir neçə il əvvəl İŞİD terror təçkilatına qoşulmaq üçün Suriyaya getməsiylə başlayıb. 20 yaşlarında olan gənc qadın Yusufa açiq olduqdan sonra radikal dini baxışlara saib olub.
Melis, təxminən iki il əvvəl “Cənnətə gedəcəyəm” deyərək, Hollandiyadakı evindən qaçıb, Suriyaya gedib. Qızının gələcəyi müəyyən olmayan bir qaranlığa addım atdığını bildirən ata Faruk Atıcı, bu barədə polisə xəbər verib. Ailə uzun müddət qızlarıyla əlaqə saxlaya bilməyib. Bu müddət ərzində sevgilisi Yusufdan bir oğlan uşağı dünyaya gətirən Melis İŞİD-ə qarşı genişmiqyaslı hərbi əməliyyatlar başladıqdan sonra atasına zəng edərək, evə qayıtmaq istədiyini deyib.
Bu müddət ərzində sevgilisi Yusuf bir hava hücumu nəticəsində ölüb. Melis uşağıyla birlikdə qaçaqçıların köməyilə Suriyadan Türkiyəyə keçməyə çalışıb. Ancaq intensiv döyüşlər aparıldığından buna nail ola bilməyib. Sərhəd bögəsində terror qrupları tərəfindən ələ keçirilən Melis övladıyla birlikdə Suriyanın şimalında yerləşən və PKK-YPG-yə məxsus olan düşərgəyə aparılıb. Düşərgədəki digər qadınlarla birlikdə Lahey hökümətindən yardım istəyən Melisə hər hansısa bir Hollandiya nümayəndəliyinə müraciət etməli olduğu bildirilib.
Lakin Hollandiyanın Suriyada diplomatik nümayəndəliyi olmadığı üçün Melisin evə qayıtması mümkün olmayıb. Bundan sonra atası Faruk Atıcı qızını özü xilas etməyə qərar verib. Bir neçə dəfə Türkiyəyə gələn Faruk insan qaçaqçılarıyla əlaqə qurub. Lazım olan pulu əldə etmək üçün evini satan və bu yolda xərcləyən fədakar ata keçən ilin yazında qızını xilas etmək üçün çətin və bir o qədər də təhlükəli səyahətə yollanıb.
Bəzən taksi və gəmi, bəzən də piyada və at belində Türkiyədən İraqa, oradan da Suriyaynın şimalına keçməyi bacarıb. Qızının saxlanıldığı düşərgəni tapan Faruk Atıcı uzun müzakirələrdən sonra terror təşkilatının nümayəndələrini razı salaraq, humanitar səbəblərdən qızı Melisin azad edilməsini təmin edib.
Atası və uşağıyla Ərbildən Hollandiyaya uçan Melis, təxminən 6 ay əvvəl Amterdam Schipol aeroportunda “terror təşkilatına üzv olması səbəbiylə” həbs edilib. Vught həbsxanasında xüsusi kameraya yerləşdirilən Melis məhkəmə prosesində bəraət qazanaraq, sərbəst buraxılıb.
Faruk Atıcı yerli mətbuata verdiyi açıqlamada qızı və nəvəsi üçün apardığı mübarizəni belə şərh edir: “Əslidə, etdiyim dəlilik idi, ölə də bilərdim”.
Faruk Atıcı həmçinin qızının etdiyi böyük səhvlərdən nəticə çıxardığını qeyd edib. Qızı və nəvəsinin həyatını xilas edən qəhrəman ata qızının övladına duyduğu məhəbbətin onu yenidən sağaldacağına və normal həyata qaytaracağına inanır.