“Postsovet ölkələri arasında sanksiyaların mövcud olduğu bir neçə ölkə var. Ümumilikdə 3 belə ölkə var: Rusiya, Belarus və Azərbaycan. Azərbaycan da Rusiya kimi, bu sanksiya rejiminin öhdəsindən tamamilə uğurla gəlir. İndi baş verənlərin ölkənizin taleyi üçün heç bir əsas əhəmiyyəti yoxdur və olmayacaq da”.
Bu fikirləri rus politoloq Oleq Kuznetsov Ednews-a açıqlaması zamanı qeyd edib.
O, daha sonra bildirib ki, Azərbaycanın müasir dünyada tutduğu yeri göstərmək yox, Avropa siyasətçilərinin onun dünya nizamını dərk etməsi əsasında tutmasını istədikləri yeri göstərmək üçün səy göstərir:
“Azərbaycan Avropa üçün Barak Obamanın vaxtilə Rusiya haqqında dediyi kimi, çirkli benzin nasosudur. Niyə? Çünki karbohidrogen mənbəyi kimi görülür. Hamı yaxşı bilir ki, Azərbaycan neftinin son istehlakçısı İsraildir. Azərbaycan təbii qazının son istehlakçısı isə İtaliyadır. Elə oldu ki, ölkəniz digər ölkələr ilə məhz belə iqtisadi və digər münasibətlər qurdu. Eyni zamanda, Avropada karbohidrogenlərinizin istehlakçı dairəsinin kifayət qədər məhdud və lokal olduğunu aydın şəkildə başa düşürlər”.
Politoloq bildirib ki, Qərb ölkələrə öz siyasətlərinə qərəzli gələn Macarıstana da eyni cür münasibət bəsləyirlər:
“Azərbaycanın dünya bazarında mövcud olma imkanları aydın-aşkar olduğundan, bu prinsipial məsələdə onunla iqtisadi cəhətdən bağlı olmayan ölkələr Azərbaycana qarşı siyasi təzyiq istifadə edərək hər cür hərəkət edə bilərlər. Bunun bariz nümunəsi Macarıstanın mövqeyi ola bilər. Macarlar kiminlə əlaqədə olduqlarını və kiminlə dost olduqlarını yaxşı başa düşürlər, buna görə də bir çox mövzularda, məsələn, Ukrayna ətrafındakı münaqişə çərçivəsində, öz mövqelərini tuturlar. Yəni, Macarlar, məsələn, Rusiyaya qarşı sanksiyaların tətbiqi zamanı onlara qoşulmalarına baxmayaraq, hərbi yardım və Ukraynanın NATO-ya və ya AB-yə qəbul edilməsi ilə bağlı çox prinsipial və sərt mövqe tuturlar, eyni zamanda macarlar bütün Avropa məsələlərində Azərbaycanla da bağlı çox sərt mövqeyə malikdirlər. Elə oldu ki, İlham Əliyevin prezidentliyinin ilk günlərindən Macarıstanın Baş naziri Viktor Orbanla iki ölkə arasında xüsusi münasibətlərin qurulması barədə razılığa gələ bildi. Buna görə də hər kəs yaxşı başa düşür ki, Azərbaycanın Avropada öz dostları var və buna görə də Avropa İttifaqının Azərbaycana qarşı, Rusiyaya qarşı olduğu kimi də, hansısa konsolidasiya edilmiş sanksiyalar haqqında söhbətlər, əlbəttə ki, müəyyən növ Avropa siyasətçiləri və avro-bürokratların bu məsələdə özlərinə siyasi "hype" yaratmaq, özlərinə səs və nüfuz qazanmaq cəhdindən başqa bir şey deyildir”.
Politoloq düşünür ki, Azərbaycan, Serbiya, Macarıstam Qərb üçün yad ölkələrdir:
“Bu payızda Avropada seçkilər olacaq və buna görə də onlar "həm öz, həm də yadların" (bütün yollara əl ataraq) sayəsində buna nail olmaq istəyirlər və belə çıxır ki, indi Avropa siyasətçilərinin gözündə Azərbaycan, Macarıstan, Rusiya, Serbiya, Türkiyə "yad" kateqoriyasına aiddilər. Buna görə də, rəsmi Bakının indi kimlərlə münasibət qurduğuna baxsaq, o elə ölkələrlə münasibətlər qurur ki, hansıları London, Brüssel və Paris, yəni köhnə, anti-sovet Avropasının gözündə etibarsızdırlar. Budur ki, Avropa Birliyinin ən ənənəvi mərkəzləri, əlbəttə ki, öz mövqelərinə sahibdirlər. Və beləliklə, buna əsaslanaraq, indi qarşıdurmanı, konflikti gücləndirmək, gələcək seçkilər ərəfəsində siyasi karyera qurmaq istəyənlər Bakıya qarşı bəyanat verirlər. Və düşünürəm ki, bu mövzu haqqında belə düşünmək lazımdır”.
Xəyal Ramiz
