Fransız səyyah Guirec Soudee, iki ildir toyuğu “Monique” ilə dəniz yolu ilə dünyanı gəzməyə çıxıb.
Adətən insanların ən yaxşı dostu it və ya pişik olur. Fransız səyyah isə siyahıya tamam fərqli bir heyvanın adını daxil edib. 24 yaşlı gənc səyyah toyuğu ilə dünya turuna çıxmaqdan çox məmnundur.
Onlar 2014-cü ildən başlayaraq dənizdə yelkən açaraq səyahət edirlər. ispaniyanın Kanar adalarından səyahətə başlayan iki səmimi dost, öncə Karib dənizinə getdilər, adalarda qaldılar, daha sonra Arktika bölgəsinə səyahət etdilər.
Soudee qeyd edir ki, kiçik dostu ilə səyahətə başlayanda “Monique” 4-5 aylıq idi. O həm də yumurtlayır. Səyyahın dünya gəzintisinə toyuqla çıxmağının bir səbəbi də budur. O qeyd edir ki, toyuq soyuq şəraitdə belə yumurtlayır və özünü ağıllı aparır, əlavə xərc tələb etmir. baxımı çox asandır. Səyahətə çıxandan bir həftə sonra toyuq 6 yumurta yumurtlamışdı.
“Onun adını çağırmaq kifayətdir ki, mənim yanıma gəlsin. Sərt küləklər olanda onu qapalı yerdə saxlayıram. Mənim üçün heç bir problem yaratmır. Hər şeyi yeyir. Uçan balıqlardan isə daha çox xoşu gəlir”-deyə səyyah bildirib.
Hazırda mehriban dostlar Qrenlandiya adası yaxınlığındadırlar və növbəti dayanacaqları Alyaskadır.
"Eurasia Diary"