90-cı illərdə tamaşaçılar tərəfindən maraqla izlənən ən baxımlı telenovella "Sadəcə Mariya"nın ən azı bir bölümünü belə izləməyən çətin tapılar.
İlk bölümü 1989-cu ildə yayımlanan serialın buraxılış saatlarında şəhərlərin küçələri demek olar ki, boşalar, insanlar sözün əsl mənasında televiziya ekranlarına kilidlənərdi.
Ednews-in xəbərinə görə həmin illər serialın baş qəhərmanını canlandıran Viktoriya Ruffonun həyatında dönüm nöqtəsi oldu. Belə ki, aktrisanın şöhrəti sərhədlər aşmaqla qalmır, insanlar uşaqlarına onun qəhrəmanının adını verir, hətta, Belarusiyada yeni alma çeşidini "Sadəcə Mariya" adlandırırdılar.
.jpg)
Telenovellanın yayımından artıq 30 ildən çox vaxt keçir. Bu illər ərzində baş rol ifaçısının görünüşü çox dəyişməyib, aktrisa hələ də gözəl və təsir edici görünür.
Qeyd edək ki, 58 yaşlı aktrisa plastik cərrahiyyə tərəfdarı deyil və təbii gözəlliyə üstünlük verir. Eyni zamanda, kino ulduzu heç bir pəhrizə əməl etmir və daim formada qalmasını yaxşı metobolizmaya sahib olmasıyla əlaqələndirir.
Ekran qəhrəmanından fərqli olaraq, Ruffo şəxsi həyatında xoşbəxtlik tapmağı bacarıb. Belə ki, onun yüksək vəzifəli meksikalı siyasətçi Ömər Fayadla 12 illik evliliyi var. Akrisanın ilk evliliyindən 1 oğlu, hazırki evliliyindən isə əkiz (qız-oğlan) uşaqları var.
Ülviyyə Fərhad
