Yaponiyada robot itlər COVİD-dən təcrid olunan xəstələrə kömək edəcəklər.
Ednews xəbər verir ki, robot dost itlər ölkə gündəmində əks-səda doğurub. Pandemiyanın sərt dönəmindən sonra “Doğan günəş ölkəsi”ndə COVID-dən təcrid olunmuş və tənhalıqdan əziyyət çəkən insanların psixoloji halını yüngülləşdirmək üçün robot itlər icad edilib.
Robot ixtiraları ilə dünyada məşhur olan Yaponiya uzun müddətdir ki, bu texnologiya üzərində çalışdı. Sonda sınaqdan uğurla çıxan yeni texnologiya öz alıcılarına təqdim olunub.
Belə itlərin özəlliyi onların beyinlərində hər bir fərdin xarakteri və ona xoş olan meyillərin yerləşdirilməsidir. Tənha insanlar ən yeni android sistemi ilə təchiz olunan robot dostuna müraciət edərək, onunla həmsöhbət belə ola biləcək.
Qeyd edək ki, robot itlər, həm də təcrid vaxtı və ya COVİD xəstələrinin özlərini yalnız hiss etdikləri an onları qucaqlaya biləcəklər.