Misirdə arxeoloji qazıntılar zamanı 8 metrlik qranit məbəd qapıları tapıldı.
Ednews xəbər verir ki, Misir Turizm və Tarixi Əsərlər Nazirliyi yerli arxeoloqların Şimali Sinayda yerləşən Tell əl-Farama (Pelusium) bölgəsində Zevs məbədinin qalıqlarını aşkar edilməsi ilə bağlı məlumat verib.
Misir Tarixi Əsərlər Ali Şurasının baş katibi Mustafa Vəziri darvaza qalıqlarının ekskavatorlar vasitəsilə çıxarıldığını açıqlayıb. Vəziri bildirib ki, məbədin yeri qalıqların tədqiqatından sonra müəyyən edilib.
Onun sözlərinə görə qapılar hər biri təxminən 8 metr uzunluğunda və 1 metr qalınlığında olan iki çəhrayı qranit sütundan və üstündə yerləşən qranit lentdən ibarətdir.
Tarixi Əsərlər Ali Şurasının sektor müdiri Ayman Aşmavi məbədin hündür platforma üzərində çiy kərpicdən tikildiyini bildirib.
Nəzrin Beydiyeva