Əslən Kolumbiyalı olan Kamarqo 1970-1980-ci illərdə Kolumbiya və Ekvador ətrafında 150-yə yaxın gənc qızı zorlayıb öldürməklə tanınan amansız qatil hesab edilir. Daniel Kamarqo qurbanlarını zorladıqdan sonra onları mişar ilə kəsib. O, 1989-cu ildə təqsirli bilinərək 16 il həbs cəzasına məhkum edilib. Daniel Kamarqo 1994-cü ilin noyabrında həbsxanada qurbanlarından birinin əmisi oğlu tərəfindən öldürülüb.
Pedro Rodrigues Filho
Rodrigues Minas Gerais'in cənubundakı Santa Rita do Sapucaí fermasında anadan olub. Anası hələ hamilə ikən atası münaqişə zamanı onun qarnına təpiklə zərbə vurub. Bu səbəblə, Rodrigues kəllə sümüyü əzilmiş halda dünyaya göz açıb. İddia lara görə o, öldürmək cəhdlərinə ilk dəfə 13 yaşında ikən başlayıb. Belə ki, böyük əmisi oğlu ilə dava edərkən onu itələyib və o, ölümdən qurtulub.
Braziliyalı qatil 1973-cü ildə həbs edilib və 2003-cü ildə ən azı 71 nəfəri qətlə yetirməkdə təqsirli bilinib. Pedro 128 il müddətinə azadlıqdan məhrum edilib. Qeyd edək ki, o, ilk cinayəti hesab olunan oğurluğunu 14 yaşında törədib. Qatil hələ 18 yaşında olarkən 10 nəfəri öldürüb. Buna görə 30 il həbs cəzası alan Filho, digər cinayətlərinə görə daha 400 il həbs cəzasına məhkum edilib.
Andrey Çikatilo
“Rostovlu qəssab” ləqəbi ilə tanınan Andrey Çikatilo sovet dövrünün ən çox bilinən qatillərindən hesab edilirdi. 1978-1990-cı illər arasında o, Rusiyada cinsi təcavüz və əsasən uşaq olmaqla 56 nəfəri öldürdüyü üçün mühakimə olunub.
22 dekabr 1978-ci ildə o, Yelena Zakotnova adlı 9 yaşlı qızı öldürərək ilk qətlini törədib. Bu, Çikatilonun ilk sənədləşdirilmiş qətlidir. O, qıza saqqız verəcəyini deyərək, evə aparıb və onu zorlamağa cəhd edib. Zakotnova onunla mübarizə apararaq qaçmaq istəyəndə qarnına 3 bıçaq zərbəsi endirib. Daha sonra Çikatilo qızın cəsədini və məktəb çantasını yaxınlıqdakı Qruşevka çayına atıb.
Çikatilo 1992-ci ilin aprelində bu qətllərin 52-ni törətdiyini özü etiraf edib. O, 1994-cü il fevralın 14-də başından güllələnərək edam edilib.
Tommi Lin Sells
Ən azı 70 nəfəri öldürdüyü iddia edilən və ABŞ-ın Texas ştatının ən təhlükəli cinayətkarlarından biri kimi tanınan Tommi Lin Sells 1985-1999-cu illər arasında öz qurbanlarını olduqca amansız şəkildə öldürüb. Sells yataq otağında 10 yaşlı kiçik qızı bıçaqlasa da, öldürə bilməyib və qız sağ qala bilib. Kiçik qız polisə Sells ilə bağlı ətraflı açıqlama verərək onun həbsinə nail ola bilib. Sells həbs edildikdən sonra edam edilib.
Nəzrin Beydiyeva
