Hər bir ölkənin kifayət qədər müxtəlif yemək növləri var. Təbii ki, bu təamların istər hazırlanmasına lazım olan ərzaqların, istər hazır şəkildə restoranda yeməyin özünəməxsus qiyməti olur. Amma elə yeməklər var ki, az qala ev qiymətinə başa gəlir.
Ednews dünyanın ən bahalı yeməklərini bölüşür.
1. "Matsutake" göbələyi - 1000 dollar
Sözügedən göbələk nadir tapıldığına görə bu qədər bahalıdır. Əsasən Yaponiyada yetişdirilən bu göbələk güclü ətri ilə yeməklərə özünəməxsus dad qatır.
2. Simit - 1000 dollar
Nyu Yorkdakı Westin Hotel üçün aşpaz Frank Tujague tərəfindən hazırlanmış bu simit truffle kremi və yeməli qızılla verilir.
3. Omlet - 1000 Dollar
Nyu-Yorkdakı Le Parker Meridien otelinin nəzdində fəaliyyət göstərən restoranda hazırlanan omletdə altı yumurtadan başqa, 300 qram Sevruqa kürüsü və xərçəng daxildir. Bu omlet, həmçinin kürü ilə servis edilir.
4. Vaqnu sığırının əti - 2 min 800 dollar
Dünyanın ən qiymətli hesab olunan bu ət Yaponiyanın Kobe şəhərindədir. Buradakı mal-qara yalnız pivə ilə yemlənir və onlara rahatlıq vermək üçün gündəlik masajlar edilir.
5. Samundari Xəzanə - 3200 dollar
“Balıqçılıq xəzinəsi” mənasını verən bu yeməyə kürü, dəniz ilbizləri, xərçəng və yeməli qızıl daxildir. Ləzzətli yemək Londondakı Bombay Brasserie-də servis edilir.
6. Pizza Royale 007 - 4 min 200 dollar
Pizza Royale, "DomPerignon" adlı xüsusi şampanına batırılmış halda servis edilir. Həmçinin, hisə verilmiş Şotlandiya qızılbalığı, kürü, köhnə balzam sirkəsi, maral ətindən hazırlanır. Buəzədilməsində isə əsasən 24 karat qızıldan istifadə edilir.
7. Dansuke giləmeyvə - 6 min 100 dollar
Yalnız Yaponiyanın şimalındakı Hokkaydo adasında bitən bu giləmeyvə qara rəngdədir və xırtıldayan konsistensiyaya malikdir. Qeyd edək ki, hər mövsümdə 65 ədəd Dansuke yetişir.
8. Yubari Qovun - 22 872 dollar
Digər bir yapon meyvəsi olan Yubari qovunları yüksək vulkanik tuf tərkibli torpaqda yetişdirildiyi üçün dünyanın ən dadlı və şirəli meyvələri hesab olunur. O, həmçinin mükəmməl sferik formaya və yumşaq bir qabığa malikdir.
9. Brilyant kürüsü - 15 min dollar
Beluqa balığının yumurtalarından əldə edilən bu kürünün yarım kilosunun qiyməti 8400 dollar ilə 15 min 500 dollar arasında dəyişir. Bu balığın 120 milyon il mövcud olmağına baxmayaraq, nəsli kəsilmək üzrədir. Beluqaya daha çox Xəzər dənizində rast gəlinir.
10. İtalyan Ağ Alba Göbələyi - 160 min 406 dollar
Göbələklərin “müqəddəs fincanı” kimi tanınan bu göbələyin qiyməti onun kəskin dadı, ətri və nadirliyi ilə əlaqədardır.
Nəzrin Beydiyeva