Qarşınızdakı insanın nə düşündüyünü bilmək mümkündür - BƏDƏN DİLİNİN SİRRLƏRİ - ednews.net

3 Fevral, Cümə

(+994 50) 229-39-11

Qarşınızdakı insanın nə düşündüyünü bilmək mümkündür - BƏDƏN DİLİNİN SİRRLƏRİ

Maraqlı A- A A+

Şifahi ünsiyyət adətən sadədir. Sadəcə ağlınızı keçən bir neçə cümləni söyləmək bəs edir. Amma bilmək lazım olan ən vacib şey odur ki, ünsiyyət sadəcə şifahi şəkildə baş vermir. Əslində, hərəkətlərimiz və üz ifadələrimiz duyğularımız, niyyətlərimiz haqqında çox şey deyir.

Danışarkən və ya dinləyərkən üz ifadəniz, hərəkətləriniz və duruşunuz da daxil olmaqla, bədən dilinizlə qarşınızdakı insana duyğu və reaksiyalarınızı  ifadə edirsiniz.

Əksər tədqiqatçılar belə nəticəyə gəlirlər ki, insan ünsiyyəti yalnız 30-40 faiz şifahidir və qarşılıqlı əlaqəmizin 60-70 faizi verdiyimiz səssiz siqnallardan ibarətdir.

Bədən dili insanın həqiqətən nə düşündüyü haqqında çox şey açır. Bədən hərəkətlərimiz, duruşumuz, göz təmasımız, əl hərəkətlərimiz, səsimizin tonu və həcmi, mimikamız həm bizim, həm də izləyicilərimiz üçün məna kəsb edən mikro ifadələrdir. Biz onlar vasitəsilə ünsiyyət qururuq. 

Bədən dilini başa düşmək və şərh etmək bacarığı başqalarının danışa bilmədiyi problemləri və ya mənfi hissləri haqqında öyrənməyə kömək edə bilər. Şifahi mesajlarınıza güc qatmaq üçün onu müsbət mənada da istifadə edə bilərsiniz.

Sinə səviyyəsində qolların çarpazlanması

Qollarınız sinənizdə çarpaz vəziyyətdə oturmaq və ya ayaqda durmaq demək olar ki, həmişə müdafiə xarakterli bədən dili kimi qəbul edilir. Siz qəzəbli və ya inadkar görünə bilərsiniz. Bu, həm də əllərini çarpazlaşdıran şəxsin ünsiyyətdə olduqları başqalarının fikirləri və ya hərəkətləri ilə razılaşmadığını göstərə bilər.

Maraqlıdır ki, çarpaz qollar həm də güvən mənasını verir. Kimsə gülümsəyərkən, arxaya söykənərək və ya digər rahatlıq əlamətləri göstərərkən qollarını çarpazlayırsa, çox güman ki, həmin şəxs özünü daha çox nəzarətdə hiss edir.

Təbəssüm

Təbəssümlər tam üz ifadəsindən asılı olaraq fərqli mənalar verə bilər. Xoşbəxt təbəssümlər, utancaq gülümsəmələr, isti təbəssümlər və ironik gülüşlər var. Əsl təbəssümdə ağzın kənarları açılır, gözlər künclərdə daralır, yüngül qırışlar yaranır. Qeyri-səmimi təbəssümlər adətən gözlərdə dəyişikliyə səbəb olmur və narahatlıq mənasını ifadə edə bilər.

Barmaqlara toxunma

Barmaqlarınıza toxunduqda, gözləməyə səbirsiz və bəlkə də əsəbi göründüyünüzü göstərən bir davranış nümayiş etdirirsiniz

Başımızı bir tərəfə əymək

Başınızı əydiyiniz zaman bu, adətən sizə deyilən məlumatı diqqətlə dinlədiyinizi və ya çatdırılanlarla maraqlandığınızı bildirir. Bu həm də çox konsentrasiya olduğunuz anlamına da gələ bilər.

Göz təması

Danışdığınız insanla göz təması qurmalısınız, əgər onun danışarkən rahat hiss etməsini və dediyinizi qəbul etməsini istəyirsinizsə bu əsasdır. Alimlər təklif edirlər ki, əgər siz kənardansınızsa, insanların çoxu bir dəfəyə təxminən 3,2 saniyə göz təması qura bilir. Dost olduğunuz zaman daha uzun müddət göz təması qurmaq normaldır.

Ünsiyyət zamanı aşağıya baxmaq

Əlinizlə yanağınıza toxunduğunuzda, məlumatı nəzərə aldığınızı və diqqətlə nəzərdən keçirdiyinizi göstərirsiniz. Kiminsə onlarla danışarkən bunu etdiyini görəndə, adətən onun dediklərinizi düşünmək üçün kifayət qədər ciddi qəbul etdiyini güman edə bilərsən.

Burnunuzu ovuşdurmaq

Burnunuzu ovuşdurduğunuzda və ya toxunduğunuzda, bu, inamsızlıq yaxud imtina siqnalı ola bilər. Bu həm də dürüst olmadığınıza nişanədir. Bunu açıqlıq və dürüstlük tələb edən bir çıxışda etsəniz, məqsədlərinizə çatmaqda çətinlik çəkəcəksiniz. Əgər başqa birinin burnunu ovuşdurduğunu görsəniz, həmin insanın dürüstlüyünə şübhə ilə yanaşsanız daha məqsədə uyğun olar.

Saqqal yaxud çənəyə toxunmaq

Kimsə çənəsini sığallayanda dərin düşüncəli olduğunu diqqətə çatdırır. İnsan bir məsələ ilə bağlı qərar qəbul etməyə çalışarkən belə bir jest çox vaxt istəmədən istifadə olunur.

Dırnaq yemək problemi

Dırnaq yemə stress, əsəbilik və ya etibarsızlığı göstərə bilən bir vərdiş növüdür. Çox vaxt insanlar fərqində olmadan dırnaqlarını dişləyirlər.

Sıxılmış yumruqlar

Sıxılmış yumruqlar daxildəki hisslərini boğmağa çalışan insanda hirs və ya məyusluq əlamətidir. Onların üz ifadələri adətən neytral, hətta rahat olur.

Əlləri saça aparmaq

Tez-tez filmlərdə və televiziya şoularında saçları bükmə jesti flört etmək üçün istifadə olunur. Bu, kiminsə saçlarıyla oynadıqda əldə etdiyiniz məna ola bilər. Bununla belə, bir iş müsahibəsində iştirak edirsinizsə,  saçınıza əl atdığınız zaman əsəbi və narahat görünəcəksiniz.

Məsafə saxlamaq

Bir insanın sizinlə danışarkən saxladığı fiziki məsafə dərəcəsi bəzən onun əhval-ruhiyyəsi və ya sizin üçün hissləri haqqında ipucu verə bilər. Unutmayın ki, bir çox insanlar özləri ilə başqaları, xüsusən də yaxşı tanımadıqları insanlar arasında daha çox məsafə saxlamağa üstünlük verirlər. Digər tərəfdən, bəzi insanlar daha az şəxsi məkana alışmış ola bilərlər. Onlar çox yaxın dayana və ya otura bilərlər, çünki qarşılıqlı əlaqə belədir.

Qaşları qaldırmaq

Bu, insanın çaşqın olması deməkdir. Bu, olduğunuz vəziyyətdən asılı olaraq bəzən bəyənməmək mənasını da verə bilər. Əgər kimsə qaşlarını qaldırıbsa, bu, həm də insanın cavab gözlədiyini ifadə edə bilər.

Əl sıxmaq

Əl sıxma bir insan haqqında çox şey təsvir edir. Bir şəxs sərt əl sıxırsa, bu, dominant, güclü və ya rəqabətli olduğu mənasını ifadə edir. Yüngül əl sıxmaq isə daha çox maraqlı olmamaq  mənasını verə bilər. Mükəmməl əl sıxma normal göz təması və baş barmağınızla digər şəxsin ovucunun ovucuna toxunmaqdır.

Oturma pozisiyası

Oturma mövqeyi də şəxsiyyət tipiniz haqqında çox şey deyir. Dik, divanın ortasında oturursan özünə güvəndiyin mənasını verir, qollarınızı çarpazlaşdırıb oturduqda əsəbi, ayaqlarını çarpaz otururduqda rahat, əlləriniz qucağınızdadırsa fikirli olduğunuza işarədir.

Nəzrin Beydiyeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...