İstifadə olunan kremlər, toniklər və ya gellər... Heç biri istədiyiniz effekti vermir? Çünki qırışlarla mübarizədə ən böyük dəstəkçiniz əslində qidadır! Həm bədən sağlamlığına müsbət təsir edən, həm də qocalma əleyhinə olan bu qida maddələri, tonlarla pul ödənilən qulluq məhsullarından qat-qat təsirlidir.
Ednews dərini gözəlləşdirən qidaların siyahısını təqdim edir:
Qidaların tərkibində dərini nəmləndirən və yeniləyən, eyni zamanda qəbul etməsi lazım olan vitaminləri verən bir çox minerallar var.
Qoz
Qozun faydaları saymaqla bitmir. İlk olaraq bu çərəz, qocalmanın qarşısını alır. Çünki tərkibindəki antioksidantlar və B vitaminləri sayəsində dərinizi bütün mümkün ətraf mühit faktorlarından qoruyur. Mütəxəssislər hər gün 2-3 qoz yeməyi tövsiyə edir.
Yaşıl çay
Hər gün 2 stəkan yaşıl çay içmək dərinizi gözəlləşdirərkən arıqlamağınıza da kömək edəcək.
Alma
Almanın tərkibində A, B və C vitaminləri var. Hər gün 1 alma yemək dərini yeniləyəcək və arıqlamağınıza kömək edəcək.
Kakao
Kakaonun tərkibində antioksidanlar olan tünd şokolad qırışları yox edir, qan axınına və dəri quruluşuna müsbət təsir edir.
Avokado
Hər gün yarım avokado istehlakı dərinizə və sağlamlığınıza bir çox faydalar verəcək.
Pomidor
Pomidor qırışların qarşısını alır və günəşin zərərli şüalarının dərinizə mənfi təsirinin qarşısını alır.
Nar
Nar dəridəki qırışları azaldır, günəşdən dərinin zədələnməsini azaldır və sızanaqları azaldır. Bədənin kollagen istehsalını dəstəkləyir.
Balıq
Tərkibindəki omeqa-3 sayəsində qızılbalıq kimi yağlı balıqlar dəri iltihablarını aradan qaldırır və dərini nəm saxlayır. E vitamini və sinklə zəngin olduğu üçün dərinizi cavanlaşdırır. Mütəxəssislər həftədə ən azı 2 dəfə balıq yeməyi tövsiyə edir.
Aynurə İsmayılqızı