Hələ qədim zamanlardan bu günə kimi gələcək haqqında proqnozlar, ulduz falları insanların diqqətini cəlb edib. Elə bu əksəriyyətimizdə ulduz falına inamı formalaşdırıb.
Astrologiya elminə görə ümumilikdə 88 bürc var.
Lap qədimlərdə insanın başına gələcək hadisələri daha çox falçılar tərəfindən verilirdisə, indi bu işi ixtisaslaşmış astroloqlar edir. Amma Qurani Kərimdə sabah insanın başına nə gələcəyini Allahdan başqa heç kəsin bilmədiyi deyilir. Bu zaman ortaya təzadlar çıxır.
Bəs dinimizmdə ulduz falı günahdırmı? Ümuiyyətlə belə bir elm mövcuddurmu?
Ednews-a danışan İlahiyyatçı Ağa Hacıbəyli araşdırma zamanı falçılığın lap qədimdən İbrahim peyğəmbərin dövründən ulduzlarla bağlı olduğunu deyib.
“Bəşəriyyətin yeni yarandığı zamanlardan insanlar fala maraq salıblar. İlk vaxtlar insanlar ulduzlara, suya, heyvanların sümüklərinə baxaraq falçılıq “sənəti”ni inkişaf etdiriblər.
Bu günki günümüzdə ən çox maraq doğuran fal növlərindən biri də ulduz falıdır. Hətta buna aid kitablar belə yazılıb. Bürclərlə insanlar sanki idarə olunur. Allah insanları digər canlılardan fərqləndirib onlara ağıl dərrakə bəxş edib. Amma yenə də insanlar 5 dəqiqə sonra nə olacağını öyrənmək üçün fal baxdırır. Ümumiyyətlə həm ulduz falı, həm də digər növ fallar insanları aldatmaqdan başqa bir şey deyil. Kimsə kiminsə gələcəkdə başına gələcəklərini deyə bilməz. Bu çox absurd yanaşmadır. Belə səhv məlumatlar verərək insanları aldadan şəxslərin qazandığı pullar da haram sayılır. Qurani-Kərimin əl-Maidə surəsinin 90-cı ayəsində falçılığın bütün növləri qadağan edilib. Ümumiyyətlə bu tip şeylər insanların hissəri ilə oynayıb oları bir növ aldatmaqdır. Gələcəyi Allahdan başqa kimsə bilə bilməz”.
Kazımlı Rübabə