8 Sentyabr 2018-ci ildə İranın paytaxtı Tehranda Suriya məsələsi ilə bağlı zirvə görüşü keçirildi. Türkiyə prezidenti Rəcəb Tayyib Ərdoğan, İran prezidenti Həsən Ruhani və Rusiya prezidenti Vladimir Putin İdlibdə baş verən humanitar fəlakətin həlli ilə bağlı müzakirələr ediblər.
Eurasia Diary Tehran sammitinin təhlili ilə bağlı Peter Tas və Paul Qobldan müsahibə alıb.
Peter Tas - siyasi analitik
“Suriya və Yaxın Şərqdəki situasiyanın həllində 5 əsas geosiyasi aktor iştirak edir. ABŞ, Aİ, İran, Rusiya və Türkiyə. Bu sammit Suriya Vətəndaş müharibəsinin sülh yönümlü həlli üçün çağrılıb. Lakin, ABŞ-ın yoxluğu məsələnin həllinə maneə törədir. Bu daha çox Ağ Ev tərəfindən iqtisadi və siyasi təzyiqlərə məruz qalan iki ölkənin görüşüdür. Əlbəttə ki, Suriya və Rusiya ilə sərhəddə olan Türkiyə öz strateji mövqeyindən çıxış edərək sammitə qatılır”, Amerikalı jurnalist və Çikaqo Universitetinin eksperti Peter Tas söyləyib.
“İran və Rusiyanın hərbi, iqtisadi və siyasi maraqları Suriya münaqişəsinin həllinə mane olur. Türkiyəyə gəldikdə isə Rusiyanın tarixi rəqibi NATO ilə əməkdaşlıq etməyə çalışacaq”.
“İqtisadi inkişaf, mədəni diplomatiya və ordunun gücü sahələrində Türkiyə güclü dövlətdir. Türkiyə ABŞ-ın yaxın müttəfqilərindəndir və Rusiya ilə olan ziddiyətlərin uzun müddət davam edəcəyini düşünürəm”, Tas vurğulayıb.
Paul A. Qobl - siyasi analitik və yazıçı
Müsahibə götürdü: Əkbər Bayramov