Azərbaycanın müdafiə naziri general-polkovnik Zakir Həsənov Türkiyə Respublikasının milli müdafiə naziri cənab Yaşar Gülərin dəvəti ilə İstanbul şəhərində keçiriləcək “IDEF - 23” 16-cı Beynəlxalq Müdafiə Sənayesi Sərgisində iştirak etmək üçün qardaş ölkədə səfərdədir.
Bu barədə Azərbaycan Müdafiə Nazirliyindən məlumat verilib.
Müdafiə naziri sərgidə nümayiş etdiriləcək müxtəlif şirkətlərin istehsalı olan silah, texnika və hərbi təyinatlı vasitələrə baxış keçirəcək.
Sözügedən səfər zamanı iki ölkə arasında hərbi sahədə yeni anlaşmalar əldə oluna bilərmi? Səfər çərçivəsində nələr müzakirə olunacaq?
Türkiyəli general Yücel Karauz səfərin təfərrüatlarını Ednews-a şərh edərkən Azərbaycan Türkiyə əlaqələrinin artıq təməlinin və əsasının qoyulduğunu xatırladıb:
“Azərbaycan-Türkiyə münasibətlərinin əsası qoyulmuş, bu münasibətlər Şuşa bəyannaməsi ilə tarixin ən yüksək zirvəsinə çatıb . Ona görə də Türkiyə-Azərbaycan əlaqələrinin, o cümlədən siyasi, iqtisadi, mədəni, hərbi, sənaye sahələri üzrə Şuşa bəyannaməsi çərçivəsində fəaliyyətlər davam etdirilir”.
Yücel Karauz onu da əlavə edib ki, ölkələr arasında münasibətlərdə olduğu kimi, Türkiyə-Azərbaycan münasibətləri də dinamik bir prosesdir və davamlı birgə mexanizmlə daim yenilənir:
“Ona görə də Türkiyə-Azərbaycan əlaqələri kontekstində bu gün İstanbul şəhərində keçirilən “IDEF - 23” 16-cı Beynəlxalq Müdafiə Sənayesi Sərgisi kontekstində müdafiə sənayesi və hərb sahəsindəki Azərbaycanın müdafiə naziri, müdafiə sənayesi, daxili işlər nazirlikləri, daxili işlər orqanlarının müvafiq rəsmiləri, müvafiq qurumları və digər dövlət qurumlarının nümayəndələrinin iştirakı gözlənilir.
Təbii ki, Azərbaycan Müdafiə Nazirlinin bu sərgidə Türkiyənin müdafiə naziri Yaşar Gülərin qonağı kimi şəxsən iştirak etməsi vacibdir. Bu sərgi vasitəsilə Türkiyə-Azərbaycan hərbi və müdafiə sənayesi əlaqələri bundan sonra yenidən nəzərdən keçiriləcək. Çünki bir az öncə də qeyd etdiyim kimi, Şuşa bəyannaməsi istiqamətində dinamik və yenilənmiş “bir millət iki dövlət”, “bir ordu bir yumruq”, “bir hava səması” sloqanları ilə dastana çevrilən, münasibətlər bundan sonra da artaraaq davam etməkdədir”, deyə türkiyəli general vurğulayıb.
"Respublika Prezidentinin və Milli Müdafiə Nazirinin Azərbaycana səfəri zamanı keçirilən görüşlər nəticəsində dünya çox dinamik təhlükəsizlik bürokratiyası baxımından sürətli dəyişikliklərə şahid olub.Və hadisələr daim və sürətlə dəyişir.Bu istiqamətdə mövcud inkişaf dəyərləndiriləcək. Təbii ki, bu sərgidə yalnız Türkiyə şirkətləri iştirak etmir, burada dünyanın inkişaf etmiş Müdafiə Sənayesi şirkətləri də öz məhsullarını sərgiləyirlər. Ona görə də Azərbaycan dünyada baş verən proseslər fonunda yeni müdafiə sənayesi məhsulları ilə tanış olacaq və ordunun modernləşdirilməsində bu inkişaflardan da yararlanacaq”, Y.Karauz yekunda bildirib.
Ülviyyə Şahin