Gözlənilən Putin Ərdoğan görüşü nəhayət ki, bugün Soçidə baş tutdu, baş tutduğu kimi sona çatdı. Görüş zamanı iki ölkə liderləri qarşılıqlı faydalı ikitərəfli əməkdaşlığın daha da inkişaf etdirilməsi məsələlərini, eləcə də aktual beynəlxalq məsələləri müzakirə ediblər.
Bəs ekspertlərin bu görüşdən gözlədiyi gözləntilər reallaşa bildimi?
İki ölkə liderləri arasında baş tutan və sona çatan görüşü şərh edən türkiyəli jurnalist Güngör Yavuzaslan Ednews-a açıqlamasında Soçidə baş tutan Putin Ərdoğan görüşündə gözlənilən “Taxıl Dəhlizi”inin gerçəkləşmədiyini bir daha diqqətə çatdırıb:
“Kremldə imzalar atılmadı. Budan sonra imzalanacağını da düşünmürəm. Bu məsələ zamanın öhdəliyinə buraxıldı. ABŞ-la Türkiyənin irəli sürdüyü təklif Kreml tərəfindən dəyərləndirilmədi. Bundan başqa isə Rusiya ilə Türkiyə arasındakı ticarətin dövriyyəsinin 100 milyard dollara qədər yüksəldilməsi yönündə addımlar atıldı. Burada diqqət çəkən məqam enerji sahəsində həyata keçiriləcək işlərdi. Bunun nəticəsində isə bir imza ilə yol xəritəsi bəlli olacaq.”
Onun sözlərinə görə, tədbirə Türkiyə və Rusiya Mərkəzi Banklarının sədrlərinin qatılması rubl və tele, euro və dollar xaricində ticarətin artırılması istiqamətində texniki işlər dı həyata keçirildi.
Türkiyəli jurnalist Türkiyə və Rusiya Federasiyasının Suriya və Liviya ilə bağlı mühüm danışıqlara da imza atdığını qeyd edib:
“Bundan əlavə Ukrayna müharibəsinin sonlandırılması ilə bağlı da söhbətlər baş tutub. Bununla da gözləntilər bütün dünyanın yaxından izlədiyi bir şəkildə nəticələndi”.
Ülviyyə Şahin