Son zamanlar dünyada gedən, xüsusilə iqtisadı sahədə baş verən proseslər köklü dəyişikliklərlə müşahidə olunur. Münaqişə ocaqlarının yenidən alovlanması, təzyiq mexanizmlərin idarəçi dövlətlər tərəfindən saxlanılması vəziyyəti daha gərginləşdirərək nüvə müharibəsi təhlükəsi yaradır.
Məsələ ilə bağlı Ednews-a danışan Siyasi Araşdırmalar İnstitutunun direktor müavini, rusiyalı politoloq Daria Grevtsova bildirib ki, bu cür qarşıdurmalar,hərbi münaqişələr onu göstərir ki,ABŞ- dünyada öz liderlik mövqeyini, gücünü itirmək üzrədir.
“ABŞ bildiyini dünyaya təlqin etmək istəyir və hər hadisədən öz çıxarıları üçün istifadə edərək, ona sərf etdiyi kimi hərəkət edir. Əlbəttə ki bu da əsas fundamental, ABŞ elitasının hakimiyyətindən öncə olan qanunlara ziddir. Dünyadakı liderlik mövqeyini, qlobal prosesləri idarə edə bilmədiyi üçün ABŞ hələ də nəyəsə qadir olduğunu göstərməyə çalışır. Amma bu onda alınmır. Əksinə ABŞ hansı qarşıdurmaya müdaxilə edirsə, orada mütləq stabillik pozulur, konfliktlər yaranır və regionda vəziyyət daha da pisləşir. Buna misal Ukraynanı görə bilərik. ABŞ öz hökümranlığını bu regionda irəli sürmək istədi, bu başqa ölkələrdə də baş verir”.
Ekspert qeyd edib ki, bu gün təkcə ABŞ yox “Qərb elitası” da Ermənistanı zəbt edərək, onu idarə etmək istəyir.
“Bu da əlbəttə ki, Rusiya Ermənistan münasibətlərini korlamaq üçündür. Yəni Ermənistan Rusiyanın kontrolundan çıxaraq Qərb və ABŞ-a qarışacaq. ABŞ və Avopa ilə müttəfiqlik edib, Rusiyaya qarşı ikinci Ukrayna olacaq. Gördüyümüz kimi ABŞ gücünü itirdiyini heç cür qəbul etmək istəmir. Bənzər mənzərəni biz Yaxın Şərqdə görürük. Bayden İsrailin maraqlarını önəmsəmədən vəziyyəti düzəltmək istəyir. ABŞ-ın göstərdiyi səy konflikti yatırtmaq deyil, şəxsi maraqlarını güdməkdir. Təbii ki, dünya artıq ABŞ-ın zəiflədiyin anlayaraq, dünyanın çox qütblü olmasını, ölkələrin kənar müdaxilə olmadan bir-biri ilə anlaşa bilməsini istəyir. Dünyaya olan təsirini, hegemonluq mövqeyini itirməmək üçün ABŞ müəyyən institutların tədbiq etdiyi qanunlarla yox, öz qanunları ilə hərəkət edir”.
Afaq