Milli Məclisin sonuncu plenar iclasında deputat Əhliman Əmiraslanov bildirib ki, ölkədə baş verən selektiv abortlar baş alıb gedir, heç nə edə bilmirik.
Xatırladaq ki, Azərbaycan, Gürcüstan və Ermənistan selektiv abortlara görə dünya ölkələri arasında liderdir. Hətta Azərbaycan  hər iki ölkədən daha öndədir.

Həmçinin o bir çox Qərb ölkələrinidə bu mövzuda geridə qoyub. Azərbaycan da abort sayının bu qədər  yüksək  olmasının səbəbləri nədir? Gələcəkdə əhalinin demoqrafiyasında problem yarada bilərmi? Qanunsuz abortların qarşısı alınmalıdırmı?

Mövzü ilə bağlı həkim psixoloq Gülnar Orucova Ednews-a açıqlamasında bildirib ki, Azərbaycan abortların sayına görə Çindən sonra ilk sıralardadır:

“Azərbaycanda abort problemlərinin başında qız və oğlan uşağı ayrı -seçkiliyi var. Kişilər düşünür ki, əgər oğlum yoxdursa nəslim davam etmir, oğlan düşmən çəpəridir.

Müasir dövrdə hələ də belə keçmiş düşüncəli insanlar var. Ona görədə hər bir ana  oğlan uşağı dünyaya gətirmək istəyir. Abortun yüksək göstəricələrə qalxmasına qarşı bir neçə alternativ var. İlk olaraq qadın həkimlə məsləhətləşməlidir.

Hazırda hesab apararaq hansı illərdə oğlan uşağı olacağını təxmin etmək olur və qız uşağını abort etməyə ehtiyyac qalmır.

Digər tərəfdən süni mayalanma  edib oğlan uşağı dünyaya gətirmək olur. Lakin insanlar görür ki, süni mayalanma aborta nisbətdə daha baha başa gəlir.

Abort edilərkən ata və anadan imzalı şəkildə razılıq sənədi alınmalıdır. Uşaqda hər hansı qüsur olmalıdır, qüsur təstiqlənməlidir və ya uşaq ananın sağlamlığına ciddi zərər yetirməlidir və s.

Lakin Azərbaycanda həkim yazır ki, düşük təhlükəsi və ya hər hansı  qanama var. Nəticə olaraq pul xatirinə həkimlər qanunsuz abort edirlər. Ona görədə oğlanların sayı qızların sayından çoxdur. Bunu məktəblərdə görə bilərik”. 

Həkim psixoloq abortların olmasında həm pasient, həm də həkim səhlənkarlığı olduğunu vurğulayıb:

“Abortun qarşısını almaq üçün bir sıra prosedurlar varki, onlar dövlət tərəfindən qarşılanmır. Məsələn hamilə olmaq istəməyən qadınlar hamilələyi əngəlləyən prosedurlardan keçməlidir.

Spiral qoyulmalı, dərman qəbulu olunmalıdır və s.  Lakin Azərbaycanda sığorta doğru işləmir və insanlar aborta müraciət edir”. 

Psixoloq abortların qadına olan zərərli haqqında danışarkən vurğulayıb ki, sağlam uşaq dünyaya gətirmək üçün bunu etmək olmaz.“Qadın çox sayda abort etdikdə uşaqlıq divarı nazilir.

Divar nazildikdə isə hər dəfə düşük təhlükəsi olur və qan açılır. İynə vuraraq və dərman qəbul edərək problemi aradan qaldırmağa çalışırlar. Sonra isə problemli uşaqlar ortaya çıxır.

Ölkəmizdə abortların böyük hissəsini qız uşaqlarına görə edirlər. Sonda isə əlil,zəlil,mikrosefarela,hidrosefarela,serebral iflicli uşaqlar dünyaya gəlir.

Çünki abort çox etdikcə analıq bətni süzülür və normal uşağın dünyaya gəlməsi üçün olan ortam pozulur. Ölkəmizdə həkimlər abort edərkən bunun zərərlərini anlatmalıdır”. 

Xəyal Ramiz