Ötən günlərdə Türkiyə prezidenti Rəcəb Tayyib Ərdoğan və Yunanıstan rəhbərliyi arasında görüş və konstruktiv dialoq olub. Görüş hər iki ölkənin, eləcə də regionun digər ölkələrinin mediasında, o cümlədən Avropada diqqət mərkəzinə düşüb. İrəliyə doğru addımlar atılmasına, danışıqlar mühitinin optimallaşdırılmasına baxmayaraq, ölkələr arasında, xüsusilə də sərhəddəki adalara sahiblik probleminə fərqli yanaşmalar qalmaqdadır.
Baş tutan görüş ilə birlikdə iki ölkə arasında mövcud adalar probleminin qalxmasını və Türkiyənin Aİ - yə qoşulmaq yolunda bu görüşün əhəmiyyətli olduğunu söyləmək olarmı?
Bu fikirləri ANKASAM Strateji Araşdırmalar Mərkəzinin AB müşaviri Prof. Mustafa Nail Alkan Ednews-a açıqlamasında yenidən dialoq masasına qayıdışın pozitiv olduğunu söyləyib:
“Türkiyə ilə Yunanıstan arasında bağlanan bu razılaşmalar təbii ki, hər iki ölkə üçün çox əhəmiyyətlidir. Məsələn Yunanıstan türk vətəndaşlarına 7 günlük “kiçik” Şengen vizası verə bilir. Bu, ən azı, yenidən dialoq masasına qayıtmağımızın göstəricisidir. Avropa Birliyi prosesində kiçik də olsa bir addım atılır. Buna Avropa İttifaqı daxilində baxmaq hələ tez ola bilər, lakin ola bilsin ki, 2024-cü ildə Avropa İttifaqı ilə Türkiyə arasında yeni yaxınlaşmalar və yeni dialoq prosesləri baş verəcək. Türkiyə vətəndaşlarının xüsusilə bu viza ilə bağlı çoxlu problemləri var. Ola bilsin ki, Avropa Birliyinin Şengen vizası hesabına Şengen vizasını bir az da asanlaşdırsınlar. Çünki Türkiyə ilə Yunanıstan iki qonşu ölkədir, bu, iki qonşu ölkə arasında mühüm addımdır. Çünki Yunanıstan Türkiyənin Avropa Birliyinə üzvlüyünü zaman-zaman əngəlləyən və veto qoyan ölkələrdən biridir. Ona görə də Türkiyənin Yunanıstanla razılaşmalar mühüm xarakter daşıyır”.
Ekspert eyni zamanda 2024 – cü ildə Aİ üzvlüyü istiqamətində yenidən iki ölkə arasında bu cür görüşlərin baş tuta biləcəyinə də toxunub:
“Çünki Türkiyənin hazırda Avropa Birliyinə üzvlük prosesində olduğunu bilirik. Lakin üzvlük hazırda mövcud deyil. Ələxsus bu cür kiçik addımlarla bir şey ola bilər. Böyük addımlar gözləmək çətin ola bilər, amma kiçik addımlar atmaqla, bəlkə də yaxın illərdə yeni fəsillər açmaqla, gömrük ittifaqını yenidən nəzərdən keçirməklə, viza rejimini sadələşdirməklə bəlkə də Türkiyə və Avropa İttifaqı yenidən yaxınlaşa bilər. Çünki son illərdə Türkiyə ilə Avropa Birliyi arasında heç bir yaxınlaşma olmayıb. Düşünürəm ki, bu kiçik addımlarla, bu etimad quruculuğu tədbirləri ilə Türkiyə və Yunanıstan, həm də ümumilikdə Türkiyə və Avropa Birliyi bir-birinə bir az da yaxınlaşa bilər”.
Əkbər Novruz
