Macarıstanın Baş naziri Orban Prezident Ərdoğan ilə görüşü zamanı bildirib ki,  

Ərdoğan növbəti əsr üçün möhtəşəm bir layihə irəli sürüb və  növbəti əsr Türkiyə əsri olacaq.

Bunun əsasında iki ölkə arasında  müvafiq müqavilələr bağlanıb. 
Aİ isə Macarıstanın səsvermə hüququnu məhdudlaşdırmaq istəyir.

Buna səbəb Macarıstanın bir neçə dəfə Ukraynaya yardımla bağlı qanunun qəbul edilməsinə mane olmasıdır. Türk birliyinin  Avropanın mərkəzindəki dayağı həqiqətən  təsirə malikdirmi? Azərbaycan-Macarıstan-Türkiyə  əlaqələri hansı səviyyədə inkişaf edib?

Məsələ ilə politoloq Turab Rzayev Ednews-a açıqlaması zamanı bildirib ki, Macarıstan öz iqtisadi və siyasi gücünə görə Avropada önəmli dövlətdir:

“Aİ-nin modeli elə qurulub ki, ittifaq içində hər bir ölkənin səsinin xüsusi əhəmiyyəti var. Bir çox məsələlərdə biz Macarıstanın öz və müttəfiqlərinin maraqlarını qoruduğunu görmüşük. Dəfələrlər baş verib ki, Aİ Türkiyə və Azərbaycana qarşı mənfi addım atarkən, Macarıstan bunun qarşısını almağa çalışıb. Eyni zamanda Macarıstan Rusiya ilə münasibətlərdə Aİ-nin ümumi planına qoşulmur və daxili iqtisadiyyatına dəyəcək zərərləri önləmək istəyir. Bu kimi hallar  müfaviq olaraq da digər Avropa dövlətlərinin xoşuna gəlmir”. 

Politoloq əlavə olaraq vurğulayır ki, Macarıstan Türk dünyası fikrinin formalalaşmasında ən mühim ölkələrdən biridir. 
“Əslində Turan ideologiyası ilk olaraq Macarıstanda yaranıb və zamanla digər ölkələrə yayılıb.

Hazırda da Macarıstan Türk Dövlətləri Təşkilatında rəsmi olaraq üzv olmasa da öz fəallığını göstərir.

Həmçinin Macarıstanın  qan qohumluğu olan Türkiyə, Azərbaycan, Qazaxıstan və Özbəkistanla xüsusi münasibətləri var. Macarıstan Türk dünyasının Avropadakı dayağı hesab etmək doğrudur. Azərbaycan-Macarıstan və Azərbaycan-Türkiyə-Macarıstan arasında münasibətlər yüksək iqtisadi, siyasi və hərbi səviyyədədir. Böyük ehtimal ki, Avropa İttifaqına preqmentasiya prosesi baş verərsə, Azərbaycan və Türkiyə arasında olan modelə Macarıstanı da daxil edə bilərik”. 

Xəyal Ramiz