Gələn ildən bir əməliyyat çərçivəsində dəyəri 4000 manatdan yuxarı olan malların pərakəndə satışı ilə bağlı ödənişlər, o cümlədən bir əməliyyat çərçivəsində 500 manatdan yuxarı olan tibbi xidmətlərə görə ödənişlər yalnız nağdsız qaydada həyata keçiriləcək. Ölkələrdə niyə kart sistemi ilə ödənişə təşviq yaradılır? Kart sisteminin  üstünlükləri nədir?

Məsələ ilə bağlı iqtisadçı Natiq Cəfərli Ednews-a açıqlaması zmaanı bildirib ki, bu qərarın əsas səbəbi vətəndaşların vergidən yayınmasının qarşısını almaq üçündür:

“Çünki əhaliyə nisbətdə vergi ödəyənlərin nisbəti həqiqətən aşağıdır və vergidən yayınma yüksəkdir. Həmçinin bu vətəndaşların nağdsız ödəniş vasitələri ilə yəni, kartla ödənişə təşviq etmək üçündür. Daha böyük məbləğlərdə alış-veriş edərkən vergidən yayınma daha çox olur. Əsasən bunlara  görə nəzərdə tutulub”. 

İqtisadçı əlavə olaraq qeyd edib ki, bununla bağlı əhalinin bir hissəsində problem yaransada önəmli bir şey deyil:
“Lakin bəzi insanların bank kartları yoxdursa  və ya bank kartlarından istifadə etmirlərsə əsasəndə yaşlılarda onlar üçün müəyyən çətinliklər və problemlər yaşana bilər. Amma hər bir ailədə onlara kömək ədəcək gənc nəslin nümayəndələri var”. 

Qeyd edək ki, son dövrlərdə Azərbaycanda kart vasitəsilə ödənişlərdə artım olsa da, bir çox Avropa ölkələrindən geridədir.

Xəyal Ramiz