Beynəlxalq QHT, Dünyanın Gələcəyi Şurasının layihə məsləhətçisi, cənab Holger Güssefeld "Eurasia Diary”yə müsahibə verib.
Eurasia Diary: Beynəlxalq Sülh Bürosu (İPB)Dünya Konqresi 2016-nın açılış mərasimi keçirilib. Bu haqda nə düşünürsünüz?
Cənab Holger Güssefeld: Mən bu tədbirin təşkilatçısı kimi çox həyəcanlı idim. Tədbir uğurlu oldu. Biz onun nəticəsini gözləyəcəyik. Ümid edirəm ki, bu tədbir dünyada sülh hərəkatına müəyyən təkanlar verəcək.
Eurasia Diary: Sizin bir təşkilatçı kimi dünyaya mesajınız nədir?
Cənab Holger Güssefeld: Mən onu çatdırmaq istəyirəm ki, bütün dünya, vətəndaş cəmiyyəti oyanmalıdır, siyasətçilər, dünya birlikləri- dünyaya göstərməlidir ki, biz nüvə silahı istəmirik. Bu bizim əsas ismarıcımızdır. Mən qorxuram ki, vətəndaş cəmiyyəti olmadan siyasətçilər üçün bu bir nəticə verməyə.
Eurasia Diary: Burada nüvə silahı əleyhinə çıxışlar çoxdur. Sizin gözləntiləriniz nələr olacaq?
Cənab Holger Güssefeld: Bu nəticələr dörd gün ərzində, tədbirin keçirildiyi müddətdə özünü göstərəcək və konfrasdan sonra biz nəticələri bütün dünyaya çatdıracayıq. Anti-nüklear ideyalar sosial media vasitəsilə geniş yayılır. İnsanlar sosial şəbəkələrə-Facebook, Tvitterə şəkillər yükləyirlər və bütün dünyaya yayırlar. Bu da hərəkatın necə böyük olmasının göstəricisidir. Ümid edirəm ki, biz bunu edən yeganə insanlar deyilik.
Eurasia Diary: Super güclər nəyə görə silahlara çox pul xərcləyirlər?
Cənab Holger Güssefeld: Onlar hərbi-sənaye kompleksinin inkişafına can atırlar. Hərbi sənaye ilə məşğul olan şirkətlər silah istehsal edərək böyük gəlirlər əldə edirlər. Yəqin ki, onlar super güclərin lideri olmağı çox sevirlər və bununla da onlar özlərini yaxşı hiss edirlər, nüfuzlu olurlar. Məsələn, Putin və ya Obama, eləcə də başqaları supergüclər olmağı çox sevirlər.
Müsahibəni götürdü: Fəzilət Səmədova
Tərcümə:Vüsalə Əlövsətqızı