13 Oktyabr Beynəlxalq Təbii Fəlakət Risklərinin Azaldılması Günüdür. Eurasia Diary, Beynəlxalq İnsan Haqları Komissiyasının Dünya üzrə Direktoru və Səfiri Doktor Məhəmməd Şahid Əmin Xandan (Dr. Muhammad Shahid Amin Khan) müsahibə alıb.

Eurasia Diary: Bizə özünüz və gördüyünüz işlər haqqında məlumat verə bilərsinizmi?

Məhəmməd Şahid Əmin Xan: Mən, Beynəlxalq İnsan Haqları Komissiyası (IHRC)  Dünya üzrə 4-cü  Sədriyəm. Bundan başqa, IHRC-nin tarixində ilk Müsəlman və Asiyalı üzvəm.

Mən , 24 Fevral, 1996-ci ildən bu işə başlamışam  və işim Baş Assambleya tərəfindən 24 Fevral, 2006-ci ilə qədər 2-ci dövr üçün uzadılıb. Bununla yanaşı, Birləşmiş Ərəb Əmirliklərində - Dubayda baş tutan iclasda İdarə Heyəti tərəfindən Dünya Sülh Korpusu Təşkilatının Sədri kimi seçilmişəm.

Mən, Qvineya-Bisau Respublikasının Baş Naziri Rui Duarte de Barros zati-alilərinin xüsusi diplomatik müşaviri və səfiri vəzifəsində işləyirəm.

Eurasia Diary: 13 Oktyabr Beynəlxalq Təbii Fəlakət Risklərinin Azaldılması Günüdür. Bu gün, daha çox insanı, cəmiyyəti və hökuməti güclü  cəmiyyət və millətlərin inşasına qoşulmağa dəvət edir. Bu günün əhəmiyyəti haqqında nə deyə bilərsiniz?

Məhəmməd Şahid Əmin Xan: Hər il 13 Oktyabrda dünya cəmiyyəti Beynəlxalq Təbii Fəlakət Risklərinin Azaldılması Gününü (IDDR) qeyd edir. Bu gün daha güclü bir cəmiyyətin qurulması üçün böyük əhəmiyyət daşıyır. Bu günün məqsədi insanlarda fəlakət riskləri haqqında anlayış formalaşdırmaqdır. Həmçinin, bu günün digər bir əhəmiyyəti də fəlakətlərin insanlar və icmalar üzərindəki təsirini azaltmaqdır.

Eurasia Diary: Sizin üçün fəlakət hansı mənanı daşıyır?

Məhəmməd Şahid Əmin Xan:  Dünyanın heç bir ölkəsində fəlakətə qarşı bir müqavimət yoxdur. Fəlakətin hər növü yerli icmalara və ölkələrə güclü səhiyyə, sosial və iqtisadi zərərlər verə bilər. Fəlakətə qarşı hər hansı bir mübarizə aparılmazsa, bu yardım təşkilatları üzərində mənfi təsir yaradacaq. Fəlakətlərə qarşı birgə proqramlara qoşulmaq fərdi səylərdən daha önəmlidir.  Bütün regional və beynəlxalq təşkilatlar fəlakətlərə qarşı müharibəyə daxil edilməlidir. Onlar fəlakətdən sonra vəziyyətdən çıxmaq üçün bir plan inkişaf etdirməlidirlər.

Eurasia Diary: Fəlakət riskinin azaldılması üçün nələr edilməlidir?

Məhəmməd Şahid Əmin Xan: Fəlakətlərdən qorunmaq üçün xüsusi tədbirlər təşkil edilməlidir. Məsələn, doğru şəkildə keçirilmiş təxliyyə planları və ətraf ərazinin  planlaşdırılması zərərlərin səviyyəsini azaltmağa köməkçi ola bilər. 2005-ci ildə, 168 hökümət arasında 10 illik təbii fəlakət riskinin azaldılması üçün Hyogo Çərçivəsi planı hazırlandı. Bu səbəbdən də fəlakətin təsirlərini azaltmaq üçün hazırlıqlı olmaq çox əhəmiyyətlidir. Bu cür planlar lazımi ərzaq və suyun təmin olunmasına və nəqlinə, eyni zamanda, telekommunikasiya və nəqliyyat xəttində zədə almış  xidmətlərin bərpasına yardımçı olur.

Təcili ehtiyacların ödənilməsi və başlanğıc böhranın bitməsinə baxmayaraq, zərər çəkən insanlar və onları dəstəkləyən icmalarla bağlı hələ də problemlər var.