Hazırda İrəvanda Ermənistanın sabiq prezidenti Robert Koçaryanın məhkəməsi davam edir. Koçaryan bu dəfə 2008-ci ilin mart ayının 1-də, İrəvanda baş vermiş ixtişaşlarda vətəndaşlara qarşı hərbi müdaxilə edilməsinə əmr verməkdə ittiham edilir. Ermənistan KİV-lərində qeyd edilib ki, bir neçə prokror və hakim Koçaryanın məhkəməsində iştirak etməkdən imtina edib. Buna səbəb onların Koçaryanın klanı ilə düşmən olmaqdan çəkinmələridir.

Qeyd edək ki, Ermənistandakı 2008-ci ilin 10 fevralında başlayan ixtişaşlar 10 gün davam etdi. İxtişaşların baş verməsinə səbəb keçirilmiş seçkilərin nəticələri idi. Beləki, seçkilərdə əsas rəqabət Terpetrasyanla Sarkisyan arasında gedirdi. Seçkilərin nəticəsində 52% səslə Sarkisyan qalib gəlib. Terpetrosyan isə səslərin sadəcə 21%-ni toplaya bilib. Seçkilərdə Terpetrasyanın məğlub olmasından sonra seçkilərin nəticələrinin saxtalaşdırıldığını iddia edən Terpetrosyan, tərəfdarlarını kütləvi itatsizliyə və mitinqlərə çağırdı. İrəvanın teatr meydanı qarşısında 10 günə yaxın ardıcıl etiraz mitinqləri keçirən vətəndaşlara qarşı iqtidarın səbr kasası doldu. Nəticədə 1 mart 2008-ci ildə Koçaryanın əmri ilə ordu İrəvana daxil oldu və ixtişaşlar qanla yatırıldı. Ordu ilə etirazçıların qarşıdurması nəticəsində 10 nəfər dinc sakin öldürüldü, 33 polis yaralandı, ümumilikdə 233 nəfər xəsarət aldı.

Bütün bu hadisələrin üzərindən 11 il keçəndən sonra Ermənistanda 1 ildir hakimiyyətdə olan Paşinyan Qarabağ klanından qisas alır. Əlbəttə, Paşinyanı başa düşmək olar, çünki onun özü də 2008-ci il hadisələrinin fəal iştirakçılarından biri idi və Terpetrosyanın qızğın tərəfdaşı idi. İndi Paşinyan sabiq liderinə və xalqına divan tutan rejimdən intiqam alaraq qəhramana çevrilmək niyyətindədir.

Məhkəmədə yaşanan ən maraqlı hadisə şahid qismində çıxış edən Ermənistan Hərbi Polisinin sabiq rəisi Vladimr Qasparyanın açıqlamaları olub. Beləki, Qasparyan necə deyərlər, “açdı sandığı, tökdü pambığı”. O, məhkəmədə bildirib ki, “O, günlərdə İrəvanın daxilindəki polis qüvvələrinin və hərbi birləşmələrin sayı ixtişaşları yatırmaq üçün kifayət deyildi. Ona görə də Koçaryan İrəvana Qarabağdan və Azərbaycanla sərhəd Tavuş ərazisindən hərbi birləşmələri gətirilməsi ilə bağlı əmr verdi. Həmin günlərdə Azərbaycanla sərhəddə vəziyət gərgin idi. Hər gün intensiv atışmalar baş tuturdu. Belə bir vaxtda sırf mitinqlərə və ixtişaşlara son qoymaq üçün Sakrisyan və Koçaryan Azərbaycanla sərhəddi müdafiəsiz qoydular”.

Nicat İsmayılov