“İlham Əliyevlə qısa danışığımız oldu, ancaq..." - Paşinyan | Eurasia Diary - ednews.net

19 May,


“İlham Əliyevlə qısa danışığımız oldu, ancaq..." - Paşinyan

Siyasət A- A A+

Ermənistanın baş naziri Nikol Paşinyan jurnalistlərə bildirib  ki, Brüsseldə Şərq tərəfdaşlığının yubiley tədbirləri çərçivəsində Azərbaycan Prezidenti İlham Əliyevlə qısa söhbət edib, ancaq hələlik növbəti görüşlər üçün konkret planlar yoxdur.

Eurasia Diary bildirir ki, xəbəri RİA Novosti yayıb.

"Hələlik heç bir plan yoxdur, amma əminəm ki, danışıqlar prosesi davam edəcək", - deyə o, jurnalistlərin “İlham Əliyevlə yenə görüş olacaqmı” sualını cavablandırarkən vurğulayıb.

O bildirib ki, Azərbaycan Prezidenti ilə qısa təmasda olub və "cari vəziyyəti" müzakirə edib.

***

Azərbaycan Prezidenti İlham Əliyev və Ermənistan Baş Naziri Nikol Paşinyanın Brüsseldə qısa görüşü keçirilə bilər. “Şərq tərəfdaşlığı” proqramının 10 illiyi münasibəti ilə keçirilən tədbir çərçivəsində iki ölkə liderlərinin görüşü istisna edilmir.

Bu barədə “Sputnik Ermənistan” Paşinyanın mətbuat katibi Vladimir Karapetyana istinadən məlumat verib.

V. Karapetyan qeyd edib ki, İ. Əliyevlə bu haqda razılığa gəlinməyib, lakin yaxın günlərdə “Şərq tərəfdaşlığı” proqramının iştirakçısı olan 6 ölkə liderinin çıxış edəcəyi tədbirin keçirilməsi gözlənilir.

“Əminəm ki, hər iki lider arasında ünsiyyət olacaq, amma hansı formatda, bu barədə məlumat verə bilmərəm” – Karapetyan bildirib.

Jurnalistlərin “liderlərin ünsiyyəti mütləqdirmi” sualını isə Karapetyan belə cavablandırıb: “Mən hər zaman iki ölkə arasında müxtəlif səviyyəli dialoqların qurulmasının vacibliyini vurğulamışam”.

Qeyd edək ki, Azərbaycan Respublikasının Prezidenti İlham Əliyev mayın 13-də Belçika Krallığına işgüzar səfərə gedib.

Onu da xatırladaq ki, Azərbaycan və Ermənistan liderləri sonuncu dəfə bu ilin 29 mart tarixində Vyana şəhərində görüşmüşdülər.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...