Eurasia Diary xəbər verir ki, Ermənistanın baş naziri Nikol Paşinyan jurnalistlərə “xəyanətkar” qüvvələrin kim olduğunu izah edib.

Bundan əvvəl Paşinyan “müəyyən xəyanətkar qüvvələri müharibə qızışdırmaq və əraziləri təhvil vermək və bunun təqsirini onun hökumətinin üstünə yıxmaq niyyətində” ittiham etmişdi.

Azatutyun yazır ki, Paşinyan iyunun 5-də verdiyi müsahibədə faktiki olaraq Dağlıq Qarabağın hazırkı separatçı hakimiyyətini nəzərdə tutduğunu bildirib.

Paşinyan qeyd edib ki, "Qarabağ rəhbərliyi ilə bir neçə görüşümüz baş tutub. Mən hər görüşdə onlara Qarabağ danışıqları ilə bağlı rəsmi sənədləri və məlumatları təqdim etmişəm. Həmçinin hər toplantıda onlara öz fikrimi və mövqeyimi də bildirmişəm və soruşmuşam ki, onlar mənim mövqeyimlə razıdılar, yoxsa yox. Onlar da yekdilliliklə mənim fikirlərimlə razı olduqlıarını bildirirdilər. Lakin görüşdən sonra misli görülməmiş bir hadisə baş verir. Qarabağ rəhbərinin köməkçisi öz facebook hesabından paylaşım edərək məni torpaqları azərbaycanlılara satmaqda ittiham edir. Bizim höküməti anti-milli iqtidar adlandırır. Mən düşünmürəm ki, bütün bunlardan Qarabağ rəhbərliyinin xəbəri olmasın. Mən onunla görüşürəm, danışıram və görüş bitər-bitməz adam öz muavininə tapşırıq verir ki, get facobookda yaz ki, Paşinyan torpaqları satır. Mənə çox maraqlıdır ki, axı onlar bunu niyə görə edirlər? Nə istəyirlər? Bizdən əvvəl onun (Saakyanın) rəqs yoldaşları hakimiyyətdə olarkən danışlıqlar barədə zərrə qədə də məlumat verilmirdi. Heç bir sənəd təqdim edilmirdi. Lakin mən hər görüş və danışıqlar barədə məlumatı onlara şəxsən çatdırıram".

Paşinyanın ittihamlarına qarşı qondarma respublikanın rəhbəri Bako Saakyan açıqlama verərək bildirib ki, "Paşinyan bizi danışlıqlar barədə məlumatlandırır. Digər məsələlərə gəldikdə isə bütün şüphələr açıq müzakirə edilməlidir".